22 ka pusher sikop sa drug operation

CEBU, Philippines – Nikabat sa 19 ka drug pusher ang nasikop sa gipahigayong drug operation sa kapolisan sa Lapu-Lapu City Police Office diha sa nagkalain-laing barangay sa siyudad.

Ang maong operasyon kalabutan sa kamanduan sa bag-ong direktor sa LLCPO Police Colonel Clarito Baja sa padayong kampaniya batok sa ilegal nga drugas.

Ang hepe sa City Intelligence Branch (CIB) ug City Drug Enforcement Unit (CDEU) Police Lieutenant Colonel Mark Gifter Sucalit ug mga hepe sa presinto sa kapolisan sa LLCPO ang nisikop nila ni Gino Baguio, 29;  Jesus Casinillo, 33; Cristine Claros, 33;   Rustom Santillan, 38;  Lusito Palao, 54, pulos nagpuyo sa maong dakbayan ug nasakmit gikan kanila ang P43, 799 nga kantidad sa shabu.

Laing nadakpan sila si  Jayson Castro, 30;   Ricardo Dapyo, 38;  Vicente Arnejo,  47;   Jenifer Dingson, 28;   Dane Esparcia, 43; Clark Laride, 30;  Darel Bacalla, 21.

 Nikabat ngadto sa P 58,380 ang kinatibuk-ang kantidad sa shabu nga nasakmit gikan kanila. Samtang nasikop nila ni Police  Major  Miguel  Andeza, hepe sa Presinto 2 sila si Ramil Castillo, 39;  Retchie  Sinas, 36;  Randy  Villegas, 31; Jessbone Alvarado, 31; Lugemel  Alferez,  33 ug nasakmit gikan kanila ang P39, 304  nga kantidad sa shabu uban sa kalibre .45  nga pistola nga puno sa bala ang magazine niini. Nadakpan usab sa Barangay  Buaya sa maong dakbayan sila si Joselito Tanghal, 38; Estrella  Aquino,  47;  Joselito Soniega, Jr.;  32 taga Sitio Sangi sa Barangay Pajo sa maong dakbayan ug nasakmit gikan sa maong mga dinakpan ang P41, 480  nga kantidad nga shabu.

Samtang diha Sitio Tuburan, Barangay Punta Princesa, Dakbayan sa Sugbo niadtong Huwebes sa hapon nadakpan sila si Giegjie, 26;   Alija Zarmento Nuillemin, 54; ug Lope Alquizar Alcontin, 42 parehong nagpuyo sa  nahisgutang lugar. (Lowana A. Valmoria ug Jenny Luz Tejas ug David Mesias/BDB)(BANAT NEWS)