WT Construction posibleng makiha
Le Phyllis F. Antojado (Banat) - July 18, 2019 - 12:00am

CEBU, Philippines – Posibleng mabutang sa alanganin ang WT Construction Inc. kon ilang abunohan og balik ang ilang gikawot nga site sa nahunong nga pagpatukod sa 20-storey Resource Center sa Kapitolyo. Matud ni Bise Gobernador Hilario Davide III, adunay obligasyon ang kontraktor ubos sa kontrata tali niini sa kagamhanan sa Probinsya sa Sugbo ubos sa iyang administrasyon kaniadto kalabot sa pagtrabaho sa nahisgutang proyekto. Dugang ni Davide nga anaa ra sa WTC kon ilang ipadayon ang pagtrabaho o dili sa maong proyekto apan pahimangno niya nga  posibleng mapasakaan ang kontraktor og kaso kon dili kini mosunod sa kontrata. “Taxpayer ba or unsa (ang mokiha sa WT) kay naa man nay kontrata. Sila pud kuyawan pud sila if they will not perform they will be liable if they will not comply sa contract” matud ni Davide.  Kahinumduman nga si Gobernador Gwendolyn Garcia mihatag og ultimatum sa WTC nga sulod sa 48-oras sugod niadtong Hulyo 16, ipabalik ngadto sa level ground ang nabiyaan nga site. Bahad ni Garcia nga kon dili moaksyon niini ang kontraktor, ang Kapitolyo maoy mohimo og aksyon subay sa balaud aron nga ma-blacklist ang maong kompaniya.

Apan alang kang Davide, walay basihan nga ipa-blacklist ang WTC. “Para nako wala may legal basis ang pag-blacklist kay wala may violation ang contractor nga nakita because as I’ve said they are just performing their obligation under the contract to build that (building)” dugang ni Davide.

Ang WTC nisulat kang Davide sa wala pa ang pag-turnover sa administrasyon sa Kapitolyo aron mangayo og giya human sila nakadawat og sulat gikan sa transition team ni Garcia nga ipahunong ang trabaho sa resource center.

“Ang akong katarungan didto, you have an obligation under the contract and there’s a pending case in court, so I maintain  my position nga only the court can really makapaundang ninyo” matud ni Davide. Ang P1.3 bilyones nga proyekto nagama kini ubos sa administrasyon ni Davide isip gobernador sa Probinsya sa Sugbo kaniadto. (/DILT)(BANAT NEWS)

 

WT CONSTRUCTION
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with