Pre-SONA forum gipahigayon

CEBU, Philippines – Gipahigayon kagahapon ang “Tatak ng Pagbabago 2019: The Pre-State of the Nation Address (SONA)” forum diha sa Atlantic Hall, Waterfront Cebu City Hotel and Casino nga gitambongan sa kadagkuan sa nagkalainlaing ahensiya sa gobiyerno, mayor ug uban pa.

Sa maong kalihukan gituki ang government’s human development, anti-poverty programs ug participatory governance reforms.

Ang Human Development and Poverty Reduction Cluster (HDPRC) ug Participatory Governance Cluster (PCG) maoy nangulo sa forum diin ilang gipresentar ang ilang accomplishments ingon man ang ilang future plans sa paghatag sa matag Pilipino og lapad nga access sa edukasyon, employment, healthcare ug government services. Ang maong kalihukan aduna kini tema nga “Patuloy na Malasakit at Pagkakaisa” diin sila si Department of Social Welfare and Development Secretary Rolando Joselito Bautista, Department of Interior and Local Government Secretary Eduardo Año ug officer-in-charge sa Department of Budget and Management Janet Abuel maoy nipresentar sa mga nahimo ingon man mga accomplishments. Tinguha sa maong three-part pre-SONA forum nga mas mapalambo pa ang paghatag sa mga nag-unang serbisyo sa gobiyerno ubos sa pamunoan ni Presidente Rodrigo Duterte.

Nasayran nga ang ikatulo ug final forum nga “Patuloy na Katatagan” ipahigayon sa Davao City karong Hulyo 17 nga pangulohan sa Climate Change Adaptation, Mitigation, and Disaster Risk Reduction Cluster (CCAMDRRC) ug Security, Justice, and Peace Cluster (SJPC) nga magtuki kabahin sa pagsiguro sa ecological integrity sa nasud ingon man national security ug public order and safety.

Una na nga nag-kick off ang “Tatak ng Pagbabago 2019” sa Pasay City niadtong Hulyo 1 nga gipahigayon ngadto sa Philippine International Convention Center nga gipasiugdahan sa Economic Development Cluster (EDC) ug Infrastructure cluster (IC).

Ang Three-part forum pagpangandam kini sa ika-upat nga SONA ni Presidente Rodrigo Duterte karong Hulyo 22. (/BDB)(BANAT NEWS)