^

Banat Balita

Radaza papangitaon og laing lugar ni Año

Rowena D. Capistrano - Banat

CEBU, Philippines – Namahayag si Secretary Eduardo Año sa Department of Interior and Local Government nga mas maayo nga mangita og laing lugar ka-opisinahan si Lapu-Lapu District Representative Paz Radaza inay mamugos nga mookupar og buhatan sa Lapu-Lapu City Hall.

Matud ni Año, kinsa nibisita sa Sugbo kagahapon, ang bag-ong nilingkod nga mayor nga si Mayor Junard “Ahong” Chan ang adunay katungod sa city hall ug sa mga kalihukan nga buhaton niini.

Giklaro ni Año nga ang ordinansa alang sa buhatan ni Radaza dili balido kay walay pirma sa mayor ug wala usab kini mapublikar sa mga pamantalaan.

“Lumalabas dito ay Sangguniang Panlungsod lang ang gumawa ng ordinansa so hindi naman po pwede yun at pangatlo meron itong conflict sa constitution or statutes of law kasi alam niyo yung separation of powers the tatlong branches, the executive, judicial at tsaka legislative so yung presence ng legislative doon is intimidating to the executive kaya nga hiwalay yung congress, hiwalay din yung city hall at municipal hall”, ni Año pa.

Awhag sa kalihim sa DILG kang Radaza nga mangita nalang kini og buhatan kay managlahi man sila og trabaho sa mayor ug hatagan nalang niini og kahigayonan ug kagawasan nga mopatuman si Chan sa iyang mga bulohatan sa dakbayan.

Kini midugang nga andam ang DILG nga motutok sa maong kasungian sa higayon nga kini gikinahanglan.

Laing giklaro niini nga si Radaza isip kabahin na sa lehislatibo sa nasyonal nga kagamhanan, dili haum nga sa city hall mag-opisina. (/DILT)(BANAT NEWS)

 

RADAZA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with