Kini ang gipamahayag ni Palma sa atol sa pagbukas sa season 2 sa Pagsangyaw 2021 nga sugdan karong adlawa sa mga parokya sa Archdiocese of Cebu.
File
Palma nipadayag sa ka importante sa Pagsangyaw 2021
Rowena D. Capistrano (Banat) - July 7, 2019 - 12:00am

CEBU, Philippines — Si Archbishop Jose Palma sa Archdiocese of Cebu nipadayag nga importante ang Pagsangyaw 2021 diin kalabutan sa pasaulog sa ika-500 nga anibersaryo sa Kristyanismo sa Pilipinas.

Kini ang gipamahayag ni Palma sa atol sa pagbukas sa season 2 sa Pagsangyaw 2021 nga sugdan karong adlawa sa mga parokya sa Archdiocese of Cebu.

Kagahapon sa buntag gipahigayon ang paglusad niini diha sulod sa International Eucharistic Congress nga gipangulohan sa pangulo sa Commission on the Laity Fe Mantuhac-Barino uban sa mga monsenyoray, kaparian ug dul-an sa 1,500 ka layko nga magsasangyaw gikan sa nagkadaiyang parokya sa Archdiocese of Cebu.

Matud ni Palma nga gibuhat ang Pagsangyaw 2021 sa archdiocese aron mapamalandungan ang kadako nga gugma sa Dios alang kanatong tanan, ilabi na sa mga Sugbuanon  tungod kay dinhi nagsugod ang Kristyanismo pinaagi sa unang bunyag sa Sugbo.

Sa laing bahin, si Barino kinsa executive director usab sa Surrender to God Program malaumon nga bukas ang bag-ong napiling opisyales sa kagamhanan sa pag-imbitar kanilang mga pribadong sektor alang sa pagtabang sa recovery o rehabilitation program sa matag Local Government Unit.

Matud pa ni Barino nga daghang pribado nga grupo ang nagkat-on sa pagtabang sa mga drug addict nga adunay quality ug focused hinungdan nga ilaha kining ihalad usab ngadto sa mga LGU.

Dugang ni Barino nga dili angay baliwalaon ang problema sa drugas tungod kay kong dili kini hatagan og pagtagad ang mga nalambigit niini mobalik ra gihapon kini sa ilang bisyo hinungdan sa SUGOD dili ang gidaghanon maoy ilang gitutokan apan ang kalidad nga ilang mahatag pinaagi sa faith based diin motahan una ang mga naulipon sa drugas ngadto sa Ginoo. (/BDB)(BANATNEWS)

PALMA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with