Upat ka nidaog nga konsehal gamay raâg nagasto sa eleksyon
Sa ilang Statement of Contributions and Expenditures (SOCE), ang mga konsehal sa siyudad nga si Eugenio Gabuya, Jr. adunay labing gamay nga nagastos sa kantidad nga P41,866.51; nga gisundan ni Donaldo “Dondon” Hontiveros nga migahin og P50,291.37; gisundan ni Renato Osmeña nga naggasto sa P65,464.66; ug David Tumulak kinsa migahin sa P80,616.
File
Upat ka nidaog nga konsehal gamay ra’g nagasto sa eleksyon
Jean Marvette Demecillo (Banat) - June 30, 2019 - 12:00am

CEBU, Philippines — Labing menos upat ka mga bag-ong napili ug gipili nga mga sakop sa Cebu City Council ang nagpamatuod nga ang paglimit sa ilang mga gasto gikan sa P40,000 ngadto sa P80,000 dili makapugong kanila nga molampos sa eleksyon sa milabay nga bulan.

Sa ilang Statement of Contributions and Expenditures (SOCE), ang mga konsehal sa siyudad nga si Eugenio Gabuya, Jr. adunay labing gamay nga nagastos sa kantidad nga P41,866.51; nga gisundan ni Donaldo “Dondon” Hontiveros nga migahin og P50,291.37; gisundan ni Renato Osmeña nga naggasto sa P65,464.66; ug David Tumulak kinsa migahin sa P80,616.

Sa upat, si Tumulak lang ang mideklara nga nakadawat og kontribusyon nga P15,000 bayad sa iyang advertisement sa radyo samtang ang uban miingon nga wala sila nakadawat sa bisan unsang kontribusyon.

Si Antonio Cuenco maoy kinadak-an og nagasto nga miabot og P411,565.30 nga kasagaran gigahin sa pag-imprinta sa mga materyales sa kampanya, mga paanunsiyo, ug gasto sa pagbiyahe, ug uban pa.

Sunod kang Cuenco si Prisca Niña Mabatid nga wala mogasto og usa ka piso gikan sa iyang bulsa apan nakadawat siya og in-kind contribution gikan sa iyang kompaniya, ang Pinoy Care sa kantidad nga P404,236.04 aron pundohan ang pag-imprinta, pag-apod-apod sa mga materyales sa kampanya, pagkaon ug uban pa .        Si reelected councilor Eduardo Rama, Jr. ang ikatulo tungod nakagasto kini og P325,175.17 nga gisundan ni Konsehal Joy Augustus Young nga migasto og P174,793.39, Lea Japson nga migasto og P169,433.07, Nestor Archival nga migasto og P157,794.32, Alvin Dizon kinsa migahin sa P153,680, Raymond Alvin Garcia nga migahin og P141,000, Phillip Zafra nga migasto og P113,476.49, ug si Raul Alcoseba migasto sa 107,006.

Ang duha ka mga konsehal nga sila si Alvin Arcilla ug Sisinio Andales, kinsa mga candidacy gikanselar sa Commission on Elections, migahin sa P106,109 ug P230,152.83 matag usa. Kun wagtangon sa lista sa mananaog si Arcilla ug Andales, hulipan sila nilang Jerry Guardo kinsa migahin sa P148,000 ug si Joel Garganera nga migahin og P305,251.82 lakip na ang P25,600 nga in-kind contribution.

Samtang sa pagka-kongresista, silang reelected Congressmen nga si Raul del Mar ug Rodrigo Abellanosa ang mga mananaog bisan pa sa gamay nga paggasto kun itandi sa hiniusang gasto sa ilang kaatbang, si Richard Edison Yap ug si outgoing councilor Jocelyn Pesquera. Si Del Mar migahin og P644,714.67 samtang si Abellanosa migahin og P460,500. Ang duha walay gibutyag nga nadawat nga kontribusyon.

Samtang si Pesquera nakagasto og P834,697.62 lakip na ang cash ug in-kind donation samtang si Yap nakagasto og P554,959.02 gikan sa iyang bulsa tungod matud pa wala makadawat og kontribusyon.(/IBM)(BANATNEWS)

 

ELEKSYON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with