Turn-over sa Cebu City Hall andam na

CEBU, Philippines – Andam na ang tanan alang sa turnover sa mga dokumento gikan sa outgoing administration ngadto sa incoming administration ni Mayor-elect Edgardo Labella karong Hunyo 30 sa hapon sa Cebu City Hall.

Matud ni Cebu City Administrator Annabeth Cuizon nga ang mahitabong turnover ilang na-discuss sa Department of Interior and Local Government (DILG) ingon man sa incoming administration.

Si Cuizon nibutyag nga andam na ang tanan ug i-review nalang sa ilang habig kun kompleto na ang tanang dokumento sa dili pa moabot ang Hunyo 30.

Samtang sa laing bahin, si Mayor-elect Edgardo Labella niingon nga hayan karong adlawa o sa dili pa moabot ang Hunyo 30 mopagawas kini og laing listahan sa mga department heads niini.

Gihimug-atan ni Labella nga kinahanglan nila mopili og mga department heads nga dili lang competent apan ligdong sab nga pagkatawo nga dili mahaylo og suburno ug bisan unsa pa.

“As I’ve said over and over again that in our administration we should see to it that we should avoid graft and corruption because that is one thing I really cannot tolerate even to the closest of allies if they commit they have to go,” sigun ni Labella. (Decemay P. Padilla/GMR)

Talisay, Tudela apektado sa huwaw

Nagpakitabang ang duha ka Local Government Units sa Probinsiya sa Sugbo sa Department of Social Welfare and Development gumikan sa epekto sa El Niño.

Matud ni Ananisa Aviso, pangulo sa Donation Section sa DSWD-7, nga bugtong ang Dakbayan sa Talisay ug Lungsod sa Tudela ang nangayo kanila og tabang diin ang nahatag nila mao ang 3,812 ka food packs.

Hinoon hingpit na nga gideklarar sa Philippine Atmospheric, Geophysical and Astronomical Services Administration ang ting-uwan.

Kini sumala pa ni Engr. Al Quiblat, pangulo sa PAGASA-Visayas nunot sa nasinating uwan bisan aduna pay El Niño. Giawhag ni Quiblat ang mga LGUs nga niining masinati karon nga pag-ulan-ulan nga manglimpyo gyud sa drainage ug magbantay sa mga thunderstorm ug heavy rainfall warning advisory nga luwatan sa PAGASA.   (/GMR)(BANAT NEWS)