Lola, apo naangol sa sunog
CEBU, Philippines – Lola napaso human niya giluwas ang masusong apo nga natulog sulod sa nagdilaab nga apartment sa Sitio Narra, Barangay Poblacion, Carmen niadtong Lunes sa buntag.
Ang lola giila nga si Maria Consuelo Obispo, 54, samtang ang iyang apo mao si Thirdy Prieto, usa pa ka tuig.
Matud pa sa fire investigator nga si Fire Officer 1 Dharlene Mari tulo ka mga apartment ang naugdaw samtang adunay usa ka balay duha ka mga apartment ingon man duha ka sakyanan ang partially burned.
Matud pa nagsugod ang kalayo sa lawak diin natulog ang maong masuso. Nakaangkon og first degree burns sa buko-buko ang lola samtang 2nd degree burn sa bukton sa masuso.
Nasubay ni Mari nga electrical overloading sulod sa lawak sa bata ang sinugdanan sa sunog. (/IBM)(BANAT NEWS)
- Latest