Labella patas sa oposisyon alang sa kaayuhan

CEBU, Philippines — Gawas sa Partido Barug PDP-Laban nga mga konsehal, andam sab si Mayor-elect Edgardo Labella nga mohatag og executive function sa bisan kinsa nga interesadong konsehal sa Bando Osmeña Pundok Kauswagan (BOPK).

Gikonsiderar kini ni Labella kay gusto kini og inclusive governance, kaalyado man o dili, ug ang importante nga ang tumong alang sa kaayuhan sa Siyudad sa Sugbo.

Kini subay sa pagpadayag sa laing sakop sa BOPK, Konsehal Dave Tumulak, sa iyang suporta sa administrasyon ni Labella.

Unang nipadayag og suporta si Konsehal Jerry Guardo kinsa gikatakdang mopuli sa na-disqualified nga si Konsehal Alvin Arcilla kun ang Commission on Elections En Banc mopagawas na og hingpit nga kamanduan sa iyang proklamasyon. Daan na nga nipadayag si Labella nga andam siya pagpahimutang sa mga konsehal sa oposisyon nga gustong makigtrabaho kaniya alang sa kaayuhan sa katawhan. Wala hinoon maglaum si Labella kung duna pay dugang mga sakop sa BOPK nga motabang kaniya sa iyang pagpadagan sa siyudad sugod karong Hunyo 30.

“As I’ve said if that happens, it happens but I am positive and optimistic if they do not transfer to our camp but they will be supportive of whatever measures that will be good to the city because I know most of them are objective and they can even cross party line, just to support for the benefit of the City of Cebu,” dugang ni Labella.

Samtang hatagan sab ni Labella og posisyon ang mga kaalyado nga napilde sa niaging May 13, 2019 nga eleksyon human sa usa ka tuig nga ban. (BANAT NEWS)