Ambulant vendors sa Tabunok ipahiluna

CEBU, Philippines — Gibalibaran sa pangulo sa Solid Waste Management Office sa Siyudad sa Talisay ang mga manindahay sa kilid sa karsada sa Barangay Tabunok nga makatinda.

Kini human ilang naobserbahan nga mao kini ang nakapadugang sa kahuot sa trapiko sa lugar.

Si Edwin Nierves nibutyag nga niduol kaniya ang mga manindahay nga mga Muslim ug nihangyo nga sila tugotan lang makapaninda daplin sa karsada.

Gipasabot ni Nierves nga mahimo lang sila makapaninda sa alas 6 sa gabii hangtud sa alas 6 sa buntag diin dili kaayo daghan ang mga sakyanan.

Hinoon si Nierves nitataw nga nagkaestorya na sila sa umaabot nga mayor sa dakbayan nga si Kongresista Gerald Anthony “Samsam” Gullas ug sila pangitaan og lugar kun asa mapahiluna sa merkado sa Tabunok. (/GMR)(BANATNEWS)