Bata wala maghikog, liog gilubag?
Camille L. Pateres (Banat) - June 21, 2019 - 12:00am

CEBU, Philippines — Migawas sa autopsy report sa bata nga giingong nahikog sa duyan, giingong adunay kusog nga pwersa ang milubag sa liog niini, pasabot nga adunay foul play ang kamatayon sa maong bata

Kahinumduman nga naabtan sa apohan nga si Jesus Siclajon ang bata nga si Def Leppard Siclajon, 9-anyos nga patay na ug nabugkos sa liog ang duyan sa masuso niadtong Hunyo 14 sa ilang panimalay sa  Brgy. Malhiao sa Lungsod sa Badian.

Taliwa sa findings sa Badian Police Station nga walay foul play ang pagkamatay sa bata ug tuyong naghikog gyud kini, gipa-autopsy gihapon kini sa pamilya sanglit dili sila kumbinsido.

Si Dr. Rene Cam, ang medico legal sa National Bureau of Investigation-7 nga maoy mihimo sa autopsy, mibutyag nga iyang nakita nga na-dislocate ang first cervical vertebra niini o ang bukog nga maoy nagkonekta sa spine ug sa ulo. Giingong mahiagom kini kon adunay laing kusog nga makalubag sa liog. Aduna usab kini ligature mark sa liog.

Gibutyag ni Cam nga posibleng maangkon ang maong dislocation sa maghikog apan gikan gyud sa habog nga lugar. Apan sa kaso sa bata, mobu ra ang nahimutang sa duyan.

Si NBI-7 director, Atty. Tomas Enrile nagkanayon nga makig-alayon sila sa kapolisan sa imbestigasyon.

Samtang ang tigpamaba sa Cebu Provincial Police Office, Police Lieutenant Colonel Eloveo Marquez nagkanayon nga imbestigahan nila ang kapolisan sa Badian kon aduna kini pagkuwang sa maong kaso.

Dugang ni Marquez nga mahimo ra gyud unta nga mo-request ang Badian Police nga ipa-autopsy ang bata ilabi na nga adunay pagduda ang pamilya niini.

Ilubong na karong Domingo, Hunyo 23 ang bata sa Badian Catholic Cemetery. (DILT) (BANAT NEWS)

NALUNOD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with