Mga bag-ong department head gianunsiyo

CEBU, Philippines — Gianunsiyo ni Cebu City mayor-elect Edgardo Labella ang mga ngalan sa department heads nga mo dumala sa matag departamento diha sa Cebu City Hall inig asumir niya sa katungdanan.

Matud ni Labella nga kasagaran sa mga umaabot nga pangulo sa mga buhatan diha sa city hall mga abogado ug professional aron masiguro nga ang iyang administrasyon mosunod sa rule of law.

Ang mga gihinganlan ni Labella naglangkub nila ni City Administrator Atty. Floro Casas Jr., Atty. Jerone Castillo nga molingkod isip city treasurer, Atty. Mark Salomon isip city budget officer, Atty. Jerome Ornopia isip city accounting officer, Atty. Rey Gealon nga maoy city attorney, Atty. June Maratas isip pangulo sa Department of General Services, Dr. Daisy Villa isip city health officer, Engr. Kenneth Carmelita Enriquez isip city engineer ug Architect Florante Catalan sa Office of the Building Officials. Si reelected councilor Raymond Alvin Garcia nibutyag nga dunay committee nga maoy nanghashas sa mangulo sa departamento kinsa usa siya niini, Atty. Casas, Atty. Gealon, Atty. Salvatierra ug Labella.

Sa pagpili og pangulo sa mga departamento gitan-aw nila ang educational attainment, kasinatian, history sa public service ug ang kahibawo. (BDB) (BANAT NEWS)