Magsuon, mag-agaw patay sa disgrasya
Romeo T. Limpangog (Banat) - June 18, 2019 - 12:00am

CEBU, Philippines — Kasamtangang gitanggong karon sa detention cell ang drayber sa 6-wheeler  truck nga nagkarga og bas ug graba nga gikabangga sa motorsiklo nga giluwanan sa tulo ka tawo nga nakaingon sa kamatayon sa duha ug grabeng pagkaangol sa laing kauban niini.

Ang panagbangga nahitabo pasado alas kwatro sa hapon niadtong Domingo sa nasudnong dalan sa Brgy. Bawo sa Lungsod sa Sogod.

Matud ni Police Executive Master Sergeant Ricardo Escubido sa Sogod Police Station nga ang mga namatay mao ang managsuong Michael ug Junie Palacio, taga Brgy. Magay sa Lungsod sa Compostela. Samtang ang grabeng naangol nailhan nga si Juvic Luna sa susamang lugar sa mga namatay.

Ang drayber sa truck nga si Henry Molero, taga Brgy. Dao sa Lungsod sa Tuburan.

Miingon kini ngadto sa kapolisan nga iyang nabantayan nga kusog  kaayong nagdagan ang motorsiklo ug kalit lang nga mi-overtake sa usa ka van nga iyang gisundan.

Gitataw ni Molero  nga nagpadaplin siya og maayo  sa dalan  apan bisan pa man niini, nabangga lang gihapon ang motorsiklo ngadto sa iyang gimaneho.

Nagtuo ang kapolisan nga pulos nakainom ang mga sakay sa motorsiklo kay ilang nahibaw-an nga gikan kini mitambong og salo-salo sa bunyag sa bukirang dapit sa Sogod. Duha sab ang patay sa disgrasya sa may Sitio Busay, Brgy. Bolinawan sa Dakbayan sa Carcar niadtong Domingo sa gabii human masabod ang manobela niini sa siko sa laing nagmotorsiklo.

Ang mga namatay mao ang manag-agaw nga sila Niño Jhay Unabia ug Gary Francis Tampus nga mga taga Brgy. Lindogon sa Lungsod sa Sibonga. Matud ni Police Staff Sergeant Miguel Bernabe sa Carcar City Police Station nga ang mga namatay nasugbay sa dalan paingon sa Carcar proper.

Giingong lain ang dinaganan sa maong motorsiklo hangtud nga nasabod ang manobela niini sa siko sa backrider sa laing motorsiklo hinungdan nga kini nawagtangan og balanse.

Unang natagak si Tampus, dayon nalagpot ang nagmaneho nga si Unabia.

Nabunal sa sementadong dalan ang ilang mga ulo hinungdan sa il ang kamatayon. Gidudahang nakainom og ilimnong makahubog ang duha. - Rose Carmel De la Cerna (BANAT NEWS)

WHEELER TRUCK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with