Giunay og pusil sa mga ig-agaw

CEBU, Philippines — Giunay og pusil sa iyang mga ig-agaw ang usa ka lalaki sa Brgy. Yati sa Lungsod sa Liloan niadtong Sabado sa gabi.

Ang biktima mao ang 36-anyos nga si Junnel Bayo samtang ang mga suspek mao sila si Melvin Bayo ug Peter Bayo.

Matud ni Police Master Sergeant Jason Gayo, ang biktima gipusil sa iyang buko-buko samtang nagbarog atubangan sa eskwelahan sa naasoy nga dapi ug misibat dayon ang mga suspek.

Abtik nga nakaresponde ang Liloan Police nga gipangulohan ni Police Master Sergeant Reglyn Pepito ingon man ang rescue unit sa lungsod nga maoy nagdala sa biktima sa Vicente Sotto Memorial Medical Center.

Luwas na sa kuyaw nga kahimtang ang biktima ug kini mismo maoy miila sa ang iyang mga ig-agaw nga maoy nagpusil kaniya.

Duda sa kapolisan nga adunay pagdumot ang mga suspek ngadto sa biktima. (/DILT)(BANATNEWS)