Pagsunog sa Kapa-Compostela gituyo?
CEBU, Philippines — Kapolisan sa Lungsod sa Compostela miangkon nga dugay pa masulbad ang nahitabong arson-robbery sa buhatan sa Kapa Community Ministry Foundation.
Ang hepe sa Compostela Police Station nga si Police Captain Ian Macatangay nagkanayon nga naglisod sila karon sa imbestigasyon. Matud pa nga anaa pa sila sa proseso sa pagpanguha og testimonya sa mga saksi lakip na ang 21 ka stay-in nga mga empleyado kinsa ang uban wala na sa dapit.
Gipangita sab nila karon ang manager nga siChristopher Abad aron malamdagan ang imbestigasyon.
Hangtud nga walay matumbok nga suspek, ang 21 ka empleyado maoy persons of interest sa kapolisan.
Giingong makaduda kaayo ang krimen sanglit nahitabo kini human sa pamahayag ni Presidente Rodrigo Duterte nga scam ang Kapa.
Nakig-alayon usab ang kapolisan sa National Bureau of Investigation-7 ug sa Securities and Exchange Commission alang sa paghiling sa sulod sa gisunog nga establisyemento. (/DILT)(BANATNEWS)
- Latest