13 kompaniya gipadalhan og show cause order sa SSS
CEBU, Philippines — Gipaniguro sa tag-iya sa usa ka furniture company sa Dakbayan sa Mandaue nga motuman sa mga lagda nga gilatid sa Social Security System (SSS) human sa giluwatan nga show cause order ngadto kanila ug gipahibalo labot sa condonation program nga ilang gipasiugdahan.
Si Goivanni Boschi, tag-iya sa Giardini del Sole sa Dakbayan sa Mandaue ang nipadayag niini human usab sa pagpasabot ni Helen Solito, senior vice president sa SSS Visayas atol usab sa gihimo nila nga pakisusi niadtong niaging adlaw.
Sa maong pakisusi sa SSS nasuta nga sa Dakbayan sa Mandaue adunay 13 ka kompaniya nga nakahimo og mga kalapasan hinungdan nga gihatag kini og show cause order sa SSS.
Sa nasayran nga ang SSS personnel gikan sa Central Visayas ang nihimo og operasyon labot niadtong mga tag-iya ug tagdumala sa kompaniya nga nakahimo og kalapasan nga naglakip na niini ang kapakyas sa pag-remit sa mga kontribusyon sa ilang empleyado.
Gitataw sa SSS nga nagpadala na sila og demand letter sa maong mga kompaniya apan giingong wala kini magpakabana sa pagtuman sa ilang obligasyon.(/BDB)(BANATNEWS)
- Latest
