SUV nalimbuwad sa tunnel
Camille L. Pateres (Banat) - June 13, 2019 - 12:00am

CEBU, Philippines — Nalimbuwad ang usa ka sports utility vehicle sa South Road Properties (SRP) tunnel human nilikay sa babaye nga naglabang-labang sa karsada kagahapon.

Ang Mitsubishi Montero gimaneho ni Jessun Aure, 32, taga Maguikay, Dakbayan sa Mandaue.

Sigun pa sa desk officer sa Waterfront Police Station, Corporal Jesse Olano, nga gikan pa sa Negros Oriental si Aure uban sa iyang inahan ug paingon na unta sila mouli.

Pag-abot sa entrada sa tunnel, giingong kalit nga nilabang ang usa ka babaye nga gituohang adunay deperensya sa pangisip.

Giingong gilubag og maayo ni Aure ang manobela aron lang malikayan ang babaye apan nalimbuwad na hinoon ang sakyanan.

“Naigo niya ang gutter sa sidewalk mao to natumba siya sa left side,” sigun sa polis.

Pangos sa bukton ang nahiaguman ni Aure samtang luwas ra sab ang iyang inahan. Daku-daku sab ang kadaut sa walang bahin sa sakyanan.

Samtang grabeng naangol ang duha ka motorista dihang ang motorsiklo nga ilang giluwanan ang kalit lang nga nagkasungag sa likoon nga bahin sa dalan sa Bahac, Poblacion, Lungsod sa Liloan alas 7 pasado kagahapon sa buntag.

Si Police Master Sergeant Jayson Gayo sa Liloan Police Station niila sa duha nga sila si Robelito Brigoli, hingkod, taga Lungsod sa Sogod ug Rocky Basola, hingkod, taga Labangon, Dakbayan sa Sugbo.

Dali nga nahidangat sa maong lugar ang mga sakop sa rescue team sa Lungsod sa Liloan kinsa dali sab nga nidala sa mga biktima sa Vicente Sotto Memorial Medical Center sa Dakbayan sa Sugbo. (Romeo T. Limpangog/GMR)(BANATNEWS)

SUV
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with