Jobs, business fairs sa Lapu-Lapu
CEBU, Philippines – Dungan nga jobs ug business fairs ipahigayon sa Dakbayan sa Lapu-Lapu atol sa Independence Day karong adlawa.
Pasiugdahan kini sa Department of Labor and Employment nga ipahigayon sa Hoops Dome sa dakbayan. Si DOLE-7 Director Salome Siaton niingon nga sa maong jobs fair mokabat sa 7,090 ka mga bakanteng trabaho ang mahimong maaplayan gikan sa 21 ka kompaniya.
Sa maong gidaghanon nga gitanyag nga trabaho, nalakip na niini ang 2,650 ka job orders alang sa lokal nga mga kawani ug adunay 440 niini ka overseas.
Ang jobs ug business fair gipahaum sa programa sa kagamhanan nga naglakip sa Trabaho, Negosyo, Kabuhayan (TNK) Job ug Business Fairs nga nagtinguha sa pagsulod og negosyo. (Romeo T. Limpangog/GMR)
Kapin P100,000 ang gasto sa mga kongresista
Dili mominus sa P100 mil ang nagasto sa mga nidagan ug nidaug nga mga kongresista sa Lalawigan sa Sugbo base sa ilang gideklarar sa ilang Statement of Contributions and Expenditures (SOCE) nga gisumiter sa Commission on Elections.
Ang nakadaug nga kongresista sa sixto distrito nga si Emmarie Ouano-Dizon nakagasto og P369,522.79 atol sa iyang pangampanya.
Ang nasublian nga si Kongresista Wilfredo Caminero sa segundo distrito nakagasto og P307,037.70.
Si Janice Salimbangon, asawa ni Kong. Benhur Salimbangon, sa kwarto distrito nakagasto usab kini og kapin P141 mil. Ang anak niini nga si Daphne Salimbangon nga nidagan sa pagka-bise gobernador nakagasto og P156 mil.
Ang pagsumiter sa SOCE gisibog kini gikan karong adlawa hangtud ugma. (/GMR)(BANAT NEWS)
- Latest