Nanirado … Wala nay tawo ug sirado kining buhatan sa Ada Farm-Agriventures diha sa MC Briones Highway, Dakbayan sa Mandaue pag-abot sa mga polis nga moronda unta niini.
Joy Torrejo
Laing 2 ka investment firms gironda
Camille Pateres (Banat) - June 12, 2019 - 12:00am

CEBU, Philippines – Duha ka mga investment firms na usab ang gironda sa mga sakop sa Criminal Investigation and Detection Group (CIDG-7) sa ilang mga buhatan kagahapong adlawa.  Gisunod kining duha pagronda human sa unang pagronda sa kontrobersyal nga Kapa Community Ministry International Inc. sa Compostela niadtong Lunes.

Gironda kagahapon ang buhatan sa Organico Agri-Ventures Corporation diha sa may Pope John Paul II Avenue, Barangay Kasambagan, Dakbayan sa Sugbo apan wala silay naabtan didto nga mga kawani. Bisan pa niini, pugsanon kining gisud sa mga polis.

Didto sa opisina, nagkatibulaag na ang mga dokumento ug mga gamit sa sulod ug wala nay mga empleyado.

Mao sab kini ang ilang naabtan sa buhatan sa Ada Farm Agriventures didto sa MC Briones Highway, Dakbayan sa Mandaue dihang naabot ang mga operatiba. Sigun pa sa hepe sa CIDG-7 Metro Cebu nga si Police Major Niño Briones nga daw naka-tip ang maong kompanya nga nalutsan sila og search warrant maong dali silang nanira.

Ang Organico sa Dakbayan sa Sugbo maoy giigong main office diri sa Central Visayas ug anaa sab silay branch sa Bohol diin dungan sab nga gironda pinasikad sa search warrant. Ang mga search warrants giluwatan sa RTC Branch 20 sa Manila.

Ang Security Specialist sa Security and Exchange Commission nga si Lester Bautista nagkanayon nga wala silay secondary permit nga nagtugot sa maong mga kompanya nga mag-solicit og investment. “They are registered as a corporation however they don’t have the secondary permit to offer or solicit investment from the public,” sigun ni Bautista.

Sumala pa ni Bautista, niadto pang 2018 nila gisugdan ang imbestigasyon aning maong mga kompanya ug sa ilang gituohan nga pyramiding scheme kini.

Matud pa nga sa Organico, baboy ang paliton sa mga investors ug motubo og 60 porsiyento ang puhonan human sa 90 ka adlaw. Sa imbestigasyon nga gihimo sa SEC sa Organico, giingong dili mo menos sa 50 ra ka buok ang ilang baboy ug sa dihang nagsugod ang Organico wala pa silay baboyan.

“Masasabi nating scam siya because they are in the gist of selling piglets however parang front lang nila ‘yung mga baboy,” sigun niini. Samtang sa Ada farm, mga piso sa manok sab ang ilang ipapalit sa mga investors.

Hinuon, wala pay bisan usa ka investor nga mireklamo batok sa duha ka kompanya diha sa ilang buhatan.

Usa ka investor sa Ada Farms nga nakahinabi sa Banat News nga di buot magpahingalan, mitug-an nga ang iyang P1,000 motubo ngadto sa P1,800 human sa duha ka buwan.

Giingong P500 ang minimum aron maka-invest, sa maong salapi giingong napulo na ka piso ang mapalit niini.  Apan wala siya makakita sa piso sanglit ang kompanya na ang nagpadako niini.   Karon nga gipangronda sa mga otoridad ang maong mga buhatan nabalaka siyang dili na hinuon makakuha sa iyang kwarta.

Ang negosyanteng si Virgilio “Nonoy” Espelita, Presidente sa  Cebu Chamber of Commerce and Industry niawhag sa katawhan nga gusto mo invest sa ilang kwarta nga sigurohon nga ang maong negosyo ug ang mga tawo nagpaluyo niini klaro ug lehitimo, aron dili masayang ang ilang kwarta.

Atol sa 888 News Forum, si Espelita miingon nga adunay mga investments nga maayo kaayo ang pasalig apan kutob ra sa mga pasalig.

Dugang pa ni Espelita, ang pagnegosyo dili sayon tungod kay adunay mga masugatan nga problema. Kinahanglan nga kahibalo ang nagnegosyo sa pagsulbad niini.

Siya miingon nga ang investment scam mao kadtong sayon lang kwarta, walay hago ug walay gipatulo nga singot.

Kun gusto gyud niini ang mga tawo, kinahanglan mangandam nalang sa pagkawala sa ilang kwarta.

Gibutyag ni Espelita, sa negosyo importante gayud ang numero, hinungdan kung mobubo man gani og kwarta kinahanglan kining sundan ug tutukan aron molambo. (Rowena Capistrano/IBM)(BANAT NEWS)

 

GIRONDA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with