Insurhensiya sa tibuok Visayas tutokan
Mae Clydyl Avila (Banat) - June 8, 2019 - 12:00am

CEBU, Philippines – Gi-umol kagahapon ang Inter-Agency Task Force sa Visayas aron tutokan ug taposon na kining lima ka dekadang insurhensiya dinhi sa rehiyon.

Usa ka closed-door meeting ang gihimo kagahapon sa buntag nga gitambongan sa nagkadaiyang buhatan sa kapolisan dinhi sa Visayas uban sa Armed Forces of the Philippines- Central Command.

Gituki nila kun unsa nga mga maayong pamaagi ang buhaton aron tapuson na ang problema sa insurhensiya ilabi na sa mga komunista.

“We have been advocating for the participation of other agencies, finally have approved to create a national task force that will address the problem,” sigon ni Lt. General Noel Clement, commander sa AFP-CENTCOM.

Apil sa nanambong mao ang kapulisan sa Central, Eastern ug Western Visayas. Ginganlan ang maong meeting og Cascading of the National Task Force on Ending Local Communist Armed Conflict.

Si Clement sa usa ka ambush interview sa mga reporters kagahapon, mitug-an nga apil sa ilang giestoryahan mao ang pagdala sa mga nag-unang panginahanglan ug serbisyo sa gobiyerno ngadto sa mga lumolupyo sa kabukiran.

“Kasama na dito ang livelihood for our people and once ma-clear ang areas, hindi na makakabalik ang problema sa insurgency,” sigon pa ni Clement.

Midugang kini nga dili na problema karon sa Cebu ang insurhensiya apan sa mga silingang mga probinsya sama sa Negros Oriental, Leyte, Bacolod ug Iloilo aduna pa gihapoy mga naglihok nga mga rebeldeng komunista.

Mahinumduman nga sa miaging tuig gipirmahan ni Presidente Rodrigo Duterte ang Memorandum Order 32, diin iyang gitahasan ang kapulisan ug kasundaluhan sa pagpangusog sa opensiba ug pagpahugot sa seguridad sa Negros Island ug ubang bahin sa Mindanao batok sa mga rebeldeng New Peoples Army.

Gitug-an usab niya nga sa pagkakaron, ang kaluwasan ug seguridad pa ang ilang gituki. Wala pa mahisgoti ang mga batakang serbisyo nga alang kang Clement kinahanglan kaayo sa mga resident diin naglihok kining mga rebelde. (/IBM)(BANAT NEWS)

TUTOKAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with