Villar walay interes mag senate president

CEBU, Philippines – Walay interes si Senadora Cynthia Villar nga mag presidenti sa Senado. Iya kining gipahibawo atol sa iyang pagbisita sa Siyudad sa Carcar kagahapon alang sa oathtaking  ni Congressman-elect Eduardo Gullas.

Hinuon giklaro ni Villar nga adunay mga kauban niya sa senado nga gusto nga siya ang mahimong senate president.

Apan iyang gituldokan ang mga huhungihong pinaagi sa pagbalibad.

Bisan paman sa iyang gipadayag, dili motuo ang uban niyang mga kaubanan.

Iya sab giklaro nga wala siya motunga sa meeting sa panimay ni Senador Manny Pacquiao kay ang agenda sa maong tigum mao man ang pagbahin-bahin sa komitiba alang sa mga bag-ong napili nga senador.

Dugang niya nga trabaho lang una ang iyang prayoridad sa pagkakaron ilabi na ngadto sa mga mag-uuma ug mangingisda nga mao sab ang iyang saad niadtong panahon sa kampanya. (/DILT)(BANAT NEWS)