Ang tulo ka dinakpan mag-atubang og kaso subay sa Comelec gun ban sanglit molungtad ang election period hangtud Hunyo 12 nga mao usab ang paglibkas sa Comelec niini lukop nasud.
File
3 sikop sa gun ban, 5 nakuhaan og ‘shabu’
Romeo T. Limpangog (Banat) - May 26, 2019 - 12:00am

CEBU, Philippines — Anaa karon sulod sa detention cell sa kapolisan sa Presinto 1 sa Mandaue City Police Office nga nahimutang sa Sitio Tribunal, Brgy. Centro ang tulo ka tawo nga nadakpan sa Comelec gun ban ug laing lima nga nadakpan sa checkpoint kay nagdala og gidudahang shabu mga pasado alas 11 sa miaging gabii.

Ang tulo ka dinakpan mag-atubang og kaso subay sa Comelec gun ban sanglit molungtad ang election period hangtud Hunyo 12 nga mao usab ang paglibkas sa Comelec niini lukop nasud. Gisikop ang tulo atol sa checkpoint human nga wala sila makapakita og   lisensiya  sa pagmaneho og motorsiklo apan diha gisita sa  mga polis, nasuta nga naghupot sila og armas ug mga bala.

Si Police  Master Sergeant  Renato  Canja miila sa mga dinakpan nga nagsakay og motorsiklo mao sila si Marlon Batoon, 23-anyos, taga Dakbayan sa  Danao ug Roel Jumao-as, 27-anyos nga taga Luyang, Lungsod sa Carmen. Sila nakuhaan og kalibre 38 nga armas ug mga bala. Gihimakak  nila nga aduna silay plano sa paghimo og krimen sanglit igo lamang silang gisugo sa pagdala niini ug adunay mokuha sa Dakbayan sa Sugbo.

Laing gisikop mao ang 32-anyos nga si Roque Alburo kinsa nagsakay og taxi  apan dihang milabay sa checkpoint sa may dalan  A. Soriano, nadiskubrehan nga nagdala og dili lisensiyadong kalibre 38 uban sa mga bala.

Matud sa hepe sa Presinto 1 nga si Police Major Aldrin Villacampa nga atol sa gihimo nilang checkpoint, katahapan og lihok si Alburo dihang ilang gisita nga maoy nakaaghat kanila sa pagrikisa.

Katarungan ni Alburo nga adto unta niya ihatod duol sa simbahan sa Brgy. Poblacion sa  Dakbayan sa Lapu-Lapu ang dalang armas. Sa susamang checkpoint, nadakpan ang laing lima ka motorista nga nasakpang nagdala og gituohang shabu. Si   MCPO director Police Colonel Julian Entoma miingon nga misiaw na usab og balik ang pagpanulis sa mga PUJ nga molabay sa dakbayan nga maoy nakaaghat kanila sa pagpadayon sa checkpoints. (/DILT)(BANATNEWS)

 

ARRESTED
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with