DPS motiwas pagtangtang sa mga posters
Decemay P. Padilla (Banat) - May 24, 2019 - 12:00am

CEBU, Philippines – Andam ang Department of Public Services sa Cebu City sa pagtangtang sa mga campaign materials sa mga kandidato nga hangtud karon wala pa makuha sa nagkalain-laing common poster areas sa dakbayan.

Matud sa officer-in-charge sa DPS, John Paul Gelasque, nga responsibilidad sa ilang buhatan ang paglimpyo sa palibot sa siyudad matag human sa eleksiyon. Nipagawas sa maong pamahayag si Gelasque subay sa hangyo sa konseho sa siyudad nga tangtangon ang mga campaign posters.

Si Konsehal Sisinio Andales maoy nangamahan sa resolusyon nga nag-awhag sa DPS nga mo-organisar og clean-up operation.

“Actually dili naman kinahanglan nila seguro mag-resolution kay amoa naman nang responsibilidad kada election time nga right after the election mag-convene mi tibuok DPS, kami maoy mangiskis pero lagi magkinahanglan ta og materyales kay dili man siya mada tungod sa klase nga kanang gaw-gaw nga gipapilit ba pwerteng man gahia,” sigun ni Gelasque.

Matud ni Gelasque nga ang ilang buhatan dunay 200 ka street cleaners nga motabang sa paglimpyo ug pagtangtang sa mga posters.

Gani kini niingon nga nagsugod sila sa pagpanglimpyo sa mga campaign materials human sa Mayo 13 nga eleksiyon diin niabot sa 10 ka toneladang basura ang ilang nakolekta diin sagad gikan sa polling centers sa mga tunghaan.

Sigun ni Gelasque nga ang mga personnel sa Department of Public Works and Highways nitabang sab sa pagtangtang sa mga campaign materials.

Karong Lunes pakigkitaan ni Gelasque ang tanang personnel sa DPS alang sa clean-up operation nga himoon sa tibuok siyudad sanglit mas giuna man nila ang mga tunghaan. Hinoon iyang giawhag ang mga nagpapili nga tabangan sila sa pagtangtang sa mga campaign posters aron mapaspasan ang paglimpyo sa dakbayan.

“Dapat ila sad ng kuanon, naa sila’y sense of responsibility ba nga sila may nagpapilit ana sila’y motangtang,” ni Gelasque pa. (/GMR)(BANAT NEWS)

 

POSTERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with