Pagtukod og classroom apektado sa sistema
Rowena D. Capistrano (Banat) - May 24, 2019 - 12:00am

CEBU, Philippines – Dako ang posibilidad nga maapektuhan ang katukuran sa dugang mga school buildings sa Central Visayas sa pag-implementar sa cash-based budgeting karong tuiga.

Matud ni Department of Education 7 regional director, Dr. Juliet Jeruta, nga usa lang ka school building ang gitagana matag legislative district ug sa tibuok nasud aduna lay gitagana nga usa ka libo ka lawak saringan nga mapabarug karong tuiga.

Dugang pa ni Jeruta nga testing period lang ang 2019 aron masuta kung mapatukod ba ang mga tunghaan ilabi na sa mga gihatagan og budget.

Gitug-an ni Jeruta nga usa ang Rehiyon 7 sa nahatagan og alokasyon ug sa nasayran ang cash-based budgeting ang hinungdan sa daghang budget cuts diin sa maong sistema tanang ahensya sa gobyirno kinahanglan mogamit sa ilang gialokar nga budget sulod lang sa maong tuig.

Si Jeruta nitug-an nga kung dili nila magamit ang gitagana nga pundo alang sa pagpatukod og classroom, mabalik kini sa nasudnong panudlanan ug kinahanglang mo-request na sab unya sila alang sa pagpabarug sa maong proyekto. (/GMR)(BANAT NEWS)

CLASSROOM
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with