Samtang ang Simbahan nipagawas og pamahayag nga nagkondenar niining sagunson nga mga pagpatay nga nahitabo dinhi sa Sugbo.
File
Lalaki gipatay, simbahan naalarma
Rowena Capistrano (Banat) - May 24, 2019 - 12:00am

CEBU, Philippines – Patay ang usa ka 37-anyos nga lalaki nga naglingkod kilid sa dalan human kini gipusil sa duha ka mga lalaki nga nangutana niini sa may Sitio Sambangan, Barangay Tabunok, Dakbayan sa Talisay, Miyerkules sa hapon.

Samtang ang Simbahan nipagawas og pamahayag nga nagkondenar niining sagunson nga mga pagpatay nga nahitabo dinhi sa Sugbo.

Ang nakalas naila nga si Jamar Sanchez, dunay kapuyo ug residente sa may Sitio Artville, Barangay San Isidro sa maong dakbayan. Samtang ang mga mamumuno wala mailhi.

Base sa initial imbestigasyon sa kapulisan gikan sa kapuyo sa biktima naglingkod kini daplin sa dalan sa dihang niabot ang upat ka tawo nagsakay og motor.

Ang duha nangutana ngadto kang Sanchez samtang ang usa nimando sa kapuyo niini nga mobiya sa lugar.

Sa dihang nitalikod ang kapuyo nakadungog kini nga gipangutana sa mga lalaki ang biktima kun siya ba si Jim-Jim ug pipila ka gutlo nakadungog nalang kini og buto-buto sa armas.

Dali sab dayong nibiya sa lugar ang mga lalaki samtang nahagba na ang biktima ug adunay samad pinusilan. Blangko pa ang kapulisan sa motibo sa pagpatay sa biktima.

Sumala pa sa kapolisan, napriso na kaniadto ang biktima tungod sa kaso sa pagpatay.  Usa ka pari nga nagpuyo dili layo sa lugar ang niduol sa patay nga lawas ug nihalad kini og mubo nga pag-ampo.

Way respeto

Si Archbishop Jose Palma sa Archdiocese of Cebu, nasubo sa nahitabo nga sunod-sunod nga patay dinhi sa Sugbo.

Matud pa sa Arsobispo susama na sa nawad-an og respeto sa kinabuhi  sa tawo ang  kining mga mamumuno. Nanawagan siya sa katawhan nga ipadayon ang pag-ampo aron mahayagan ang mga nagbuhat sa krimen.

Iya sab giawhag ang mga kaparian nga ipadayon gihapon ug dili undangon ang pag-ampo sa Oratio Imperata alang sa paghunong sa pagpamatay sa matag Santos nga Misa.

Sulod ning semanaha, lima na ang nakalas sa pagpamusil sa Metro Cebu naglakip sa usa ka polis ug duna say mabdos.

Krimen nisaka

Apan ang kadagkoan sa Police Regional Office-7 miingon nga base sa datos nisaka ang crime volume dinhi sa rehiyon. Misaka ang non-index crime og 6 porsiyento samtang ang index crime mikunhod ngadto sa 13.8 porsiyento.

Sa kinatibuk-an, misaka og 1.4 porsiyento ang crime volume ning nakalabay nga mga buwan ning tuiga dinhi sa Central Visayas kun itandi sa samang mga buwan sa miaging tuig.

Ang crime volume mao ang total sa gidaghanon sa tanang matang sa krimen nga nahitabo sa usa ka lugar.

Sa Enero hangtud Mayo 2018, adunay 5,490 ka index crime samtang 18,617 ang sa non-index crime. Karong tuiga, mikunhod ngadto sa 4,735 ang index crime samtang misaka ngadto sa 19,708 ang non-index crime.

Sa index crimes, ang Dakbayan sa Sugbo maoy pinakataas ang pagkunhod, gikan sa 1,304, mimenos kini ngadto sa 1,003.

Ang maong datos nag-ingon sab nga ang kaso sa theft mikunhod og maayo gikan sa 2,349 miubos kini og 13.8 porsyento.

Sa pagkunhod sa non-index crime, sumala pa sa direktor sa PRO-7 nga si Police Brigadier General Debold Sinas positibo kini sanglit nagpasabot kini nga daghan ang mga gitrabaho sa polis itandi sa miaging tuig.

Ang index crime mao ang mga krimen batok sa usa ka tawo sama sa: murder, homicide, physical injury, carnapping, cattle rustling, robbery, theft, ug rape.

Samtang ang non-index crime mao ang mga salaod ubos sa mga special laws sama sa: ilegal logging, gambling, ilegal nga drugas, reckless imprudence resulting in homicide, physical injuries ug uban pang pagpanglapas sa mga ordinansa.(Camille Pateres/IBM)(BANAT NEWS)

 

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with