Ang nakalas mao si Norman Oyao, residente sa maong lugar. Matud pa ni Fire Officer 2 Christian Clyde Tacandong, Fire Investigator sa Lapu-Lapu City Fire, dunay nitawag kanila nga adunay sunog sa balay sa usa ka Alfredo Oyao diha sa maong lugar hinungdan nga ila kining girespondehan.
File
Nagsunog sa kaugalingon
Rowena Capistrano (Banat) - May 24, 2019 - 12:00am

CEBU, Philippines – Patay ang usa ka 56-anyos human kini giingong nag-unay og sunog sa iyang kaugalingon sulod sa kwarto niini sa panimalay nga gipanag-iya sa iyang maguwang sa may Sitio YLE, Barangay Basak Lapu-Lapu City kagahapon sa buntag.

Ang nakalas mao si Norman Oyao, residente sa maong lugar. Matud pa ni Fire Officer 2 Christian Clyde Tacandong, Fire Investigator sa Lapu-Lapu City Fire, dunay nitawag kanila nga adunay sunog sa balay sa usa ka Alfredo Oyao diha sa maong lugar hinungdan nga ila kining girespondehan.

Apan pag-abot didto dali ra nila kining nakontrolar ug hingpit nga napawong dayo.

Gibanabanang P800 lang ang danyos sa maong sunog apan nikutlo kini sa kinabuhi ni Norman human sa naangkon grabeng paso sa iyang kalawasan.

Padayon pa sila mohimo ug pagpalalom sa ilang imbestigasyon human nakadawat sila ug information nga giingong nagbubo og gas sa iyang lawas ang namatay.

Base sa pamahayag sa pipila ka mga tawo lakip ang pag-umangkon sa namatay nagkabikil ang iyang uyoan ug ang maguwang sa namatay nga gisak-an sa naulahi.

Samtang sayo usab sa kaadlawon usa ka bodega sa Barangay Tejero ang nasunog ug nagbilin kini og P50 mil nga danyos. Padayon pa ang imbestigasyon sa kabomberohan sa maong insidente. (/IBM)(BANAT NEWS)

FIRE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with