Mga ginikinan, magtutudlo ug kabataan nagtinabangay sa pagpanglimpyo sa ilang tunghaan atol sa pagsugod sa Brigada Eskwela kagahapon isip pagpangandam na sa pagbukas sa klase sunod buwan.
Joy G. Torrejos
Brigada Eskwela gisugdan
Romeo T. Limpangog (Banat) - May 21, 2019 - 12:00am

CEBU, Philippines — Nagkahiusa ang mga ginikanan ug mga magtutudlo sa mga publikong tunghaan sa pag-andam sa pagbukas sa klase sunod buwan.

Kini pinaagi sa pagtinabangay sa pagpanglimpyo ug pag-ayo sa mga nadaut nga mga lawak saringan sa matag tunghaan pinaagi sa pagsalmot sa gipasiugdahan nga Brigada Eskwela nga gisugdan kagahapon hangtud karong Biyernes.

Sa Dakbayan sa Lapu-Lapu, ang Brigada Eskwela nga ilang gibuksan alas 8 sa buntag kagahapon sa Mactan National High School sa Barangay Mactan gipangulohan ni Dr. Marilyn Andales nga maoy city division school superintendent.

Si Lapu-Lapu City Mayor ug bag-ong napili nga kongresista, Paz Radaza, kinsa nitambong sa kalihukan nipahibawo nga ang labing bag-ong tunghaan sa high school sa Sitio Buyong sa Barangay Maribago ang hingpit na sab nga mabuksan alang sa school year 2019.

Kini daku og ikatabang sa pagpakunhod sa gidaghanon sa mga tinun-an nga motungha karong tuiga sa Barangay Maribago.

Si Isaiah Wagas nga maoy education program supervisor sa Department of Education 7 niangkon nga sa mga tunghaan nga nagtanyag og senior high school program niining panahona dili pa gyud paigo ang mga kahimanan nga magamit sa mga tinun-an.

Dugang pa niya nga kasamtangan karon nilang giapod-apod ang 40 ngadto sa 50 ka computers sa mga tunghaan nga tungod sa kadaghan sa mogamit maoy masinati ang kalit nga pag-break down usab niini.

Si Wagas niingon nga ilang gipaabot ang kapin sa usa ka milyon nga gidaghanon sa mga tinun-an nga mosulod sa ilang klase sunod buwan nga ilang gipanglantawan ang pagsaka og 10 porsiyento nga gidaghanon niini. (BANAT NEWS)

BRIGADA ESKWELA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with