CENRO Talisay walay nagdumala
Gabriel C. Bonjoc (Banat) - May 21, 2019 - 12:00am

CEBU, Philippines — Naglaum karon si Konsehal Gail Restauro sa Siyudad sa Talisay nga makalihok na ang buhatan sa City Environment and Natural Resources Office (CENRO) karong bag-ong mandato nga gihatag kanila sa katawhan.

Si Restauro niangkon nga aduna na silay ordinansa nga gipasar aron sa pagbutang og pangu sa CENRO apan wala pa gyud kini masudli bisan kausa.

Hinuon wa sab siya mihatag sa rason kon unsa ang hinungdan sa kalangay.

Una niini, ang pagpanglimpyo sa kasapaan sa Talisay ang gisugdan na pinaagi sa buhatan sa City Planning and Development Council nga ubos sa pagdumala ni Engr. Christine Homez.

Apan si Homez miingon nga anugon ang ilang nasugdan nga paglimpyo kon wala gyuy buhatan nga motutok sa maong problema ilabi na nga ang sapa sa Bulacao gihulagway na nga kritikal gumikan sa kahugaw niini.

Matud ni Restauro nga mas maayo gyud nga mahatagan kini og pagtagad aron nga mahinlo ang ubang trabahuon may labot sa kalikupan.

Apan ang maong opisyal mitataw nga ila sab tan-awon ang ilang pundo kon maka-sweldo ba sab og tawo nga molingkod isip opisyal sa CENRO karong tuiga. (BANAT NEWS)

GAIL RESTAURO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with