Pito ka bata nga gimolestiya gikustodiya sa CSWD
CEBU, Philippines — Gikustodiya na sa City Social Welfare and Development (CSWD) sa Dakbayan sa Talisay ang pito ka bata nga giingong gilugos sa kaugalingon nilang amahan.
Si Felipa Solana, pangulo sa CSWD nibutyag nga nahuman na nila og paubos sa medical examination ang mga bata ug nagpaabot pa sila sa resulta niini.
Matud ni Solana nga ilaha usab nga ipaubos sa psychological evaluation ug physical therapy ang mga biktima lakip na ang inahan.
Si Mario (dili tinuod nga ngalan) gibalhug sa bilangguan human gipasanginlan nga niunay og among-among sa iyang mga anak.
Ang mga biktima upat niini babaye ug tulo ang lalaki ang nagpangidaron og 18 ngadto sa 5-anyos.
Si Solana nagkanayon nga una nila kining kaso nga lakip ang lalaki nga anak ang gihilabtan sa amahan.
Si Chief Inspector Ardeolito Cabagnot, deputy chief sa Talisay City Police Station nitataw nga ang mga lalaki nga anak ni Mario iyang paduwaon sa iyang kinatawo.
Gialarma ang suspek nga armado hinungdan nga kini nasikop ug nisunod na ang mga sumbong sa mga biktima sa gibuhat sa ilang amahan ngadto kanila. (BANAT NEWS)
- Latest
