Tanang pobre nga seniors mahatagan og pension
May B. Miasco (Banat) - May 20, 2019 - 12:00am

CEBU, Philippines — Aron maapil ang tanang pobre nga senior citizens sa rehiyon, ang Department of Social Welfare and Development (DSWD) sa Central Visayas nihimo og updating sa listahan sa mga benepisyaryo sa social pension program.

Si DSWD Region 7 Director Rebecca Geamala nipahibawo nga ang iyang opisina nagpahigayon na og updating sa database niini sa tanang social pensioners sa tibuok Central Visayas, apil na ang Probinsiya sa Sugbo.

Sa pagkakaron, adunay 270,910 ka senior citizens ang nakabenepisyo sa maong programa.

Ang updating system nagtinguha nga masuta kun unsa na ang kondisyon sa mga kasamtangang benepisyaryo ug kun aduna pay laing posibleng eligible sa maong programa.

Si Geamala nidason nga ang updating process sa rehiyon nagsugod niadtong Abril karong tuiga. Kini gihimo sa mga staff sa nagkalainlaing programa sa DSWD-7 sama sa Pantawid Pamilyang Pilipino Program (4P’s), Sustainable Livelihood Program, ug uban pa.

Siya nagkanayon nga ang maong mga staff makatabang gayud sa mga newly-hired nga validators nga maoy gitahasan sa pagbisita sa kabalayan ug paghimo sa interbyu sa mga benepisyaryo sa rehiyon.

Sila usab kinahanglan mohimo og courtesy visit sa mayor o barangay kapitan una sila mobisita sa kabalayan aron magiyahan ang komunidad nga mga lehitimo sila nga personnel sa DSWD-7. Ang katawhan gipahibawo nga sila awtorisado nga mangayo og impormasyon gamit ang social pension beneficiary update form nga usa ka questionnaire nga kinahanglan nila tubagon.

Kun ang pensioner maglisud og tubag o tabi, pwede nga ang pamilya niini ang motubag alang sa benepisyaryo.

Ang social pension program sa DSWD nagsugod niadtong 2011 ubos sa Republic Act 9994 o Expanded Senior Citizens Act of 2010, nga ang usa ka eligible nga indigent nga senior citizen magdawatan og P500 nga monthly stipend nga magamit nila sa pagpalit og para kaon o sa ilang tambal. (/GMR)(BANATNEWS)

SENIORS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with