Wala pay lahugay; bag-ong lider maoy agdon
Camille L. Pateres (Banat) - May 17, 2019 - 12:00am

CEBU, Philippines – Dili buot sa kadagkuan sa Police Regional Office-7 nga adunay dakung mahitabo nga lahugay sa mga polis sa istasyonan human sa proklamasyon sa mga nakadaug sa miaging eleksyon.

Ang direktor sa PRO-7 nga si Police Brigadier General Debold Sinas nagkanayon nga pabut-on niya ang mga local executives kon magpailis ba sila og hepe sa kapolisan sa ilang lugar sanglit aduna sab silay katungod niini.

Apan sugyot ni Sinas nga kon mahimo, hatagan usa og higayon ang mga kasamtangang mga polis nga mapamatud-an ang kaugalingon.

“We will consult the local executive and inform them to give our people a chance to perform then we seek guidance maybe we can work together,” sigon ni Sinas.

Apan kon buot man gani hulipan sa local executive, giingong aduna silay gitagana nga guidelines ang mga opisyal.

Matud ni Sinas nga kinahanglang maayo ang track record sa pilion sa lokal nga kagamhanan. Ug ang labing importante mao nga kinahanglang wala magbalik-balik og assign sa maong lugar ang maong polis aron malikayan ang pagka-bias sa mga polis.

“Di dapat magbalik-balik, kinahanglan new people for a change kay ang chief of police di na maka-grow, mahimo na siya nga parochial kaayo kung sobraan na ka parochial iyang boss na ang mayor,” matud niini.

Miapelar ni Sinas sa mga bag-ong giproklamang mga lider nga tabangan ug suportahan kapolisan aron sila makabuhat og tarong sa ilang trabaho.

Gibutyag usab sa direktor nga nag-anam-anam na sila og briefing sa mga bag-ong local executives kinsa mipakita nang daan og suporta kanila kabahin sa ilang plano alang sa pakigbatok sa ilegal nga drugas ug uban pang kriminalidad. (/DILT)(BANAT NEWS)

AGDON
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with