Garcia mikuwestiyon sa pagbaligya sa luna sa Probinsya
CEBU, Philippines – Gikuwestyon sa kampo ni Governor - elect Gwendolyn Garcia ang pagbaligya sa dili momenus 14 ka luna nga gipanag-iya sa Probinsya sa Sugbo.
Si Atty. Marino Mantiquilla ang usa sa legal counsel ni Garcia nihulagway nga “fire sale” ang gihimo karon sa Kapitolyo ubos sa administrasyon ni governor Hilario Davide III.
Ang 14 ka luna mga prime-lots kini nga nahimutang sa dakbayan sa Sugbo.
Ang usa ka luna anaa nahimutang sa New Era, Mabolo sa dakbayan sa Sugbo. Ang usa naa sa Nivel Hills Busay, ang 11 anaa sa Paseo Gdendolyn, Ma. Luisa Estate Subdivision sa Busay ug sa Mahiga Banilad ug usa anaa sa Kamptuhaw.
Si Atty. Lito Astillero laing legal counsel ni Garcia nga moabot sa 1.4 ka ektarya ang luna nga ibaligya sa Kapitolyo kon diin matod niya moabot sa halos tunga sa bilyon ang kantidad.
Ang mga abogado ni Garcia nikwestyon kun para asa ang halin sa maong mga luna. —/LPM (BANAT NEWS)
- Latest