Mibalik na sa Kapitolyo si Gwendolyn Garcia human siya midaog isip Gobernador sa Sugbo. Si Garcia, base sa partial ug unofficial result nakakuha og 838,550 ka botos. Labaw kini og dako itandi sa boto nga nalikom ni bise gobernador Agnes Magpale nga nakakuha og 563, 497.
Gwendolyn Garcia FB Page
Gwendolyn Garcia balik sa kapitolyo
Le Phyllis F. Antojado (Banat) - May 15, 2019 - 12:00am

CEBU, Philippines – Mibalik na sa Kapitolyo si Gwendolyn Garcia human siya midaog isip Gobernador sa Sugbo. Si Garcia, base sa partial ug unofficial result nakakuha og 838,550 ka botos. Labaw kini og dako itandi sa boto nga nalikom ni bise gobernador Agnes Magpale nga nakakuha og 563, 497.

Hinoon wala pay labot sa maong resulta sa botos ang gikan sa dakbayan sa Toledo ug lungsod sa Ronda sanglit hangtod karon wala pa mogana ang SD card sa maong mga LGUs. Si Attorney Jerome Brillantes,ang acting election supervisor sa Sugbo, miingon nga kinahanglan pa og “reconfiguration” ang SD card sa Toledo ug Ronda hinungdan nga wala pa gyud kini maka transmit sa resulta sa eleksyon sa ilang lugar.

Base sa partial and unofficial result sa botos sa lalawigan, halos tanan lungsod ug dakbayan naglabaw si Garcia kontra ni Magpale.

Bisan didto sa kinto distrito, ang balwarte sa mga Durano, didto lang sa dakbayan sa Danao nakadaog si Magpale pagka gobernador. Ang lungsod sa Santander, Samboan ug dakbayan sa Bogo ug Danao maoy mga lugar nga daog si Magpale. Apan kun basehan ang resulta sa matag distrito, walay distrito nga nadag-an si Magpale.

Sa first district si Garcia nakakuha og 190, 097 samtang si Magpale adunay 108, 680.

Sa second district 66, 971 ang nakuha ni Garcia samtang 49, 152 kang Magpale. Sa 3rd district, 123, 146 si Garcia ug 55, 464 usab si Magpale wala pay labot ang botos sa Toledo.

Sa 4th district, 134, 086 kang Garcia ug 85, 798 kang Magpale. Sa 5th district, 128, 228 ang nakuha nga boto ni Garcia samtang si Magpale nakakuha lang og 106, 417.

Sa 6th district, 121, 664 si Garcia ug 101, 458 ka botos usab kang Magpale. Samtang sa 7th district, 57, 189 ang botos nga nakuha ni Garcia ug 50, 975 usab kang Magpale.

Si Magpale nipadangat kini sa iyang pag-congratulate kang  Garcia. “Mopadangat mi sa among pahalipay ug panghinaot ni Governor-elect Gwen Garcia alang sa malampusong termino isip Gobernadora sa atong hinigugmang Sugbo”matod ni Magpale. Matod sa bise gobernador nga sa iyang “30 ka tuig nga way buling ug matinud-anon nga pag-alagad sa publiko” magpabilin nga gasa ug di mahulipan nga kasinatian.— /LPM (BANAT NEWS)

 

GWENDOLYN GARCIA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with