Batan-on nakuhaa’g P1.3M shabu
CEBU, Philippines – Usa ka minor de edad ang na-rescue atol sa hiniusa nga buy-bust operation sa mga tinugyanan sa Special Operations Unit 5 PNP DEG nga gipangulohan ni Police Lt. Colonel Glenn Gonzales, Waterfront Police Station ug PDEA-7 sa may Sitio Ponce 2, Barangay Carreta ning Dakbayan sa Sugbo.
Ang na-rescue tagoon lang sa pangalan Justine, residente sa maong lugar. Nipahigayon og operasyon ang mga tinugyanan sa kapulisan human nila nasayran ang pagpayuhot og ilegal nga drugas ang maong minor de edad.
Nasakmit gikan sa minor de edad ang duha ka putos sa gituohang shabu nga motimbang og 200 gramos nga mobalor og P1,360,000.00 base sa Dangerous Drug Board Value.
Ang maong minor de edad gikatahong sakop sa usa ka big time illegal drug group nga nag operate sa Sugbo.
Ang maong bata anaa na karon sa kustodiya sa Operation Second Chance.
Sa pagkakaron gisubay pa sa kapulisan kun kinsa ang mga kauban sa dinakpan. (/IBM)(BANAT NEWS)
- Latest
