Sa Dakbayan sa Sugbo, gidakop ang 66 anyos nga si Andrea Amarilla Fernandez human nasakping namalit og boto alang sa Bando Osmeña Pundok Kauswagan diha sa Sitio San Miguel, Barangay Lorega alas 9:10 kagahapon sa buntag.
File
Siyam ang nadakpan tungod sa vote buying
Camille Pateres (Banat) - May 14, 2019 - 12:00am

CEBU, Philippines – Siyam ka tawo ang nangadakpan dinhi sa Central Visayas tungod sa vote buying kagahapon.

Sa Dakbayan sa Sugbo, gidakop ang 66 anyos nga si Andrea Amarilla Fernandez human nasakping namalit og boto alang sa Bando Osmeña Pundok Kauswagan diha sa Sitio San Miguel, Barangay Lorega alas 9:10 kagahapon sa buntag.

Nakuhaan kini og P1,300, BOPK leaflets ug listahan sa mga pangalan sa mga botante.

Sigun pa sa direktor sa Police Regional Office-7 nga si Brigadier General Debold Sinas nga daghan silang nadawat nga sumbong sa maong vote buying nga girespondehan sa mga polis.

Si Fernandez nitug-an sa mga sakop sa media nga gidawat niya kini gikan sa mga taga BOPK apan wala siya nakaila kinsa.Nihimakak sab siya nga namalit siya og bot okay matud niya pamelete niya ug sa iyang mga higala ang kwarta.

Samtang, sa Barangay Lo-oc, Dakbayan sa Danao, gidakop ni Atty. Michael Enriquez  si Looc barangay kapitan Joselito Cane ,52, Jetro Imalay ,39, taga Barangay Maslog; ug si Marilou Juntilla 35, taga Barangay Poblacion.

Sigun pa sa hepe sa kapolisan sa Danao nga si Police Lieutenant Colonel Maribel Getigan, nasakpan ni Enriquez ang tulo nga namalit og botos maong iya kining gidakop ug gi-turnover ang tulo diha kanila.

Nasakmit gikan nila ang P20 mil cash, 90 ka flyers sa BAKUD party; 57 ka pahina sa gituohang payroll, usa ka radyo ug usa ka cellphone.

Didto sa Barangay Caranoche, Santa Catalina, Negros Oriental nadakpan ang usa ka Jedidiah Lyx Lasola Anito, 24, kinsa nakuhaan og sample ballot sa mayoralty candidate nga si Gerard ‘Joji’ Napigkit ug aduna pay naka staple nga 200 pesos nga salapi ug laing P300.

Ang maong lima maoy napuno sa upat nga una nang gidakop sa Cogon Ramos, Dakbayan sa Sugbo niadtong Sabado sa gabii nga naglakip sa duha ka SK officials nga silang: Kyle Dublin Baricuatro, SK Councilor; si John Paul Nabua Mahinay 18 anyos SK Secretary; Theodoric Pepito 33; ug si Anjo Pepito 31.

Kagahapong adlawa sab, ang kandidato sa pagka-konsehal sa Cebu City nga si Niña Mabatid nihimakak sa report nga dunay vote buying nga nahitabo sa iyang barangay.

Si Atty. Jerome Gonzales, acting Cebu provincial election supervisor nagkanayon sa Banat News nga kadtong madakpan nga nalambigit sa vote buying pasakaan gyud og kaso.

Si Atty. Ian Kenneth Lucero sa Department of the Interior and Local Government sa Rehiyon 7 miingon nga kadtong mga opisyales nga nadakpan nga nag vote buying ug vote selling makasohan og administratiba ug kriminal.

“Vote buying is an election offense under the Omnibus Election Code. If a local elective official committed such offense, an administrative case may also be filed against the perpetrator in addition to the criminal case for the election offense. The administrative case to be filed is in violation of the Administrative Code, Republic Act 7160 and the SK Reform Act (if SK official). Such offense constitutes misconduct,” matud niya.

Si Ma. Luisa Chiongbian, executive director sa Cebu Citizens Involvement and Maturation in People’s Empowerment and Liberation (C-CIMPEL), miingon nga dili lamang kalapasan sa balaud ang vote buying kondili  isyu sab kini sa moralidad. (Odessa Leyson ug May Miasco/IBM)(BANAT NEWS)

 

VOTE BUYING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with