Irving mobiya sa Celtics?

CEBU, Philippines – Napakyas ang Boston Celtics pagsulod sa Eastern Conference finals dihang gitagak sila sa Milwaukee Bucks niadtong Huwebes.

Dungan sa pagkapapas sa damgo sa Celtics nga moabante sa NBA finals,  misibaw ang huhungingong ang  pagbiya ni  Kyrie Irving nga anaa na sa katapusang tuig sa iyang kontrata sa koponan.

Si Irving mitapon sa Celtics sa miaging tuig human sa kontrobersiyal niya nga pagbiya sa Cleveland Cavaliers diin siya midaog og NBA title, ug karon gikahadlokan sa mga Bostons fans nga sunod sila nga biyaan sa star point guard.

Atol press conference human sa ilang duwa, si Irving wala mitubag sa mga pangutana gikan sa mga tigbalita kun may posibilidad ba siya nga mobiya sa Celtics.

Ang iyang teammate sa Celtics  nga si Marcus Smart miingon nga kaduha-duhaan kun  makauban pa nila si Irving sunod season, apan naglaum siya nga dili kini mobiya.