Nakig-istorya sa amigo, gipusil-patay
Gabriel C. Bonjoc (Banat) - May 8, 2019 - 12:00am

CEBU, Philippines – Lalaking nakig-istorya sa higala, patay human giulo pagpusil sa wala mailhing mamumuno sa Barangay Mohon, Dakbayan sa Talisay niadtong Lunes sa hapon.

Ang 48-anyos nga biktima nga si Juneel Sigue, nagpuyo sa maong dapit, nakigtabi sa iyang amigo daplin sa karsada dihang nahitabo ang krimen, matud pa ni PO1 Eleazar Belciña sa Talisay City Police Station.

Giingong naglakaw ra ang mamumuno dihang mibunot sa iyang armas dayon pusil ngadto sa biktima.

Matud ni Belciña nga miuban og dagan ang mamumuno sa ubang mga tawo nga nakalitan sa panghitabo.

Usa ka deformed slug sa kalibre 45 nga armas ang nakuha sa crime scene.

Dugang sa polis nga wala malakip sa listahan sa mga nalambigit sa ginadiling drugas si Sigue hinungdan nga padayon pa nilang gisubay karon ang motibo sa krimen.

Samtang giawhag sa kapolisan sa Talisay ang upat ka mga kawatan nga nakapatay og batan-on nga motahan na sa ilang kaugalingon aron tubagon ang krimen nga ilang nabuhat.

Si PO3 Glenn Besande nagkanayon nga nailhan na nila ang usa sa mga kawatan.

Kahinumduman nga ang 19-anyos nga si Angelo Laresma, taga Sitio Garden, Brgy. Poblacion, natulog lang sa internetan sa dihang nakadungog sa ubang mga batan-on nga misyagit nga adunay kawatan.

Gipukaw si Laresma ug miapil sa paggukod sa mga kawatan apan ang usa   sa mga kawatan, namusil og naigo sa ulo ang batan-on nga maoy hinungdan sa iyang kamatayon.

Si PO3 Besande nagkanayon nga mas maayo nga motahan nalang ang mga kawatan ug atubangon ang nahimong sala. (/DILT)(BANAT NEWS)

PATAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with