Migukod sa mga kawatan, napusilan, kritikal
Gabriel C. Bonjoc (Banat) - May 5, 2019 - 12:00am

CEBU, Philippines — Kritikal ang kahimtang sa batan-on human siya gipusil sa kawatan nga iyang gigukod sa Sitio Garden, Brgy. Poblacion, Dakbayan sa Talisay kagahapon sa tungang gabii. Ang biktima mao si Angelo Laresma, hingkud ang panuigon nga nagpuyo sa nahisgutang lugar.

Sa inisyal nga imbistigasyon sa kapolisan, nagduwa og computer ang biktima uban sa laing mga batan-on.

Nakadungog sila adunay nagsiyagit kay gikawatan hinungdan nga sila nanggawas ug ilang nakita ang tulo ka mga lalaki nga mikaratil og dagan.

Gisuwayan sa paggukod sa mga batan-on ang mga kawatan apan ang usa sa ilang gigukod mibunot og armas dayon pabuto ngadto sa mga batan-on.

Si Laresma maoy naigo ug nahagba hinungdan nga gidali siya og tabang sa iyang mga kauban. Ang amahan sa biktima misaysay sa kapolisan nga sa ulo naigo ang iyang anak.

Unang gidala sa Talisay City District Hospital ang biktima apan gibalhin kini sa Vicente Sotto Memorial Medical Center.

Matud ni PCInsp. Ardeolito Cabagnot, deputy chief sa Talisay City Police Station nga ilang gisubay karon ang pipila ka mga tawo nga posibleng nakaila sa mga kawatan aron kini masikop. (/DILT)(BANATNEWS)

 

DEAD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with