^

Banat Balita

Duha ka bata patay laing usa angol human maligsi sa trailer truck

Camille L. Pateres - Banat
Duha ka bata patay laing usa angol human maligsi sa trailer truck
Giila sa port police ang mga namatay nga sila si Mary Joy Caballes, 10-anyos ug Angel Escarilla, 5-anyos, parehong taga Sitio Silangan Dos sa maong barangay samtang ang kaduwa sa duha nga si Rosemary Vasquez, 12, ang naangol.
File

CEBU, Philippines — Patay ang duha ka bata ug laing usa ang naangol human sila malatayi sa ligid sa trailer truck kagahapon sa buntag diha sa Pier 4, 1st Avenue Street, Barangay Tejero, Dakbayan sa Sugbo.

Gikataho nga ang mga biktima diha sa ilawom sa trailer truck nagduwa.

Giila sa port police ang mga namatay nga sila si Mary Joy Caballes, 10-anyos ug Angel Escarilla, 5-anyos, parehong taga Sitio Silangan Dos sa maong barangay samtang ang kaduwa sa duha nga si Rosemary Vasquez, 12, ang naangol.

Ang drayber sa maong truck mao si Joan Roble Mejares, 28-anyos, residente sa Lungsod sa Carmen.

Si Mejares nagmaneho sa trailer truck nga dunay giguyod nga 20 footer van nga adunay kargang mga semento nga i-ship paingon ngadto sa Ozamiz City .

Si Port Police Inspector Armand May Ponce nagkanayon nga si Mejares nangangkon nga  taud-taud na nga nag-andar ang iyang gimanehong truck ug wala siya masayod nga adunay mga bata ilawom niini.

Si Mejares niadtong higayona nagpaabot sa iyang truck boy kinsa maoy nagproseso sa dokumento nga magtugot nga makarga sa barko ang ilang truck.

Si Mejares niabante sa truck human nga nikamay kaniya ang iyang truck boy tungod kay nahumana og proseso ang dokumento.

Si Mejares nipahunong sa truck dihang gisinggitan kini sa mga drayber sa sakyanan diha sa pikas lane nga adunay napiit ilawom sa iyang truck.

Patay diha-diha si Caballes samtang namatay diha sa tambalanan si Escarilla ug si Vasquez nabalian sa iyang tuo nga tiil.

Human sa hitabo, si Mejares gitabangan og kulata sa mga estambay diha sa lugar.

Si Mejares nakaangkon og mga bun-og sa lawas, nabali ang bukog sa ilong niini ug samad tinigbasan sa iyang kamot.

Si Ponce nagkanayon nga ang 12-anyos nga maguwang ni Caballes nibutyag nga gibadlong niini ang maong mga bata tungod kay delikado ang pag-estambay ilawom sa truck.

Samtang si Vasquez nagkanayon nga wala sila makabantay nga niandar ang makina sa truck tungod sa kakusog sa uwan. (/BDB)(BANATNEWS)

TRAILER TRUCK

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with