Ang nangiha mao sila si Noel Lucanas, Aldrin Nalzaro ug tulo pa ka mga kauban tungod sa matud pa torture, grave threats ug serious physical injuries nga gibuhat kanila.
File
Walo ka polis gipangkiha
Le Phyllis Antojado, Camille Pateres (Banat) - April 30, 2019 - 12:00am

CEBU, Philippines — Gipasakaan na og kasong kriminal ang walo ka polis sa Dakbayan sa Sugbo nga nadestino sa Talamban Police Station tungod sa giingong “police brutality” nga ilang gihimo pagdakop sa usa ka drug personality diha sa sud sa usa ka kompyuteran sa Barangay Carreta apan ilang gipagawas nga kini ilang nadakpan sa usa ka buybust operation sa Barangay Talamban.

Ang nangiha mao sila si Noel Lucanas, Aldrin Nalzaro ug tulo pa ka mga kauban tungod sa matud pa torture, grave threats ug serious physical injuries nga gibuhat kanila.

Ang gipangkasohan mao ang mga polis nga silang Reoven Carmelo Rota, Vernie Magdali, Brendro Tudtud, usa ka nga giila nga “Tagalog,” “Lagunsad,” “Adalim,” ug duha pa nga wa pa nailhi kagahapon.

Sa joint judicial complaint-affidavit nilang Lucanas ug Nalzaro, sila namasangil nga nagduwa sila og “pinball” niadtong Abril 18, 2019 alas 12 sa tungang gabii diha sa Ponce II, Barangay Carreta, Dakbayan sa Sugbo dihang kalit nga nangabot ang mga armadong lalaki.

Ang kauban nila diha sa sulod mao silang Eddie Basillote ug usa ka Erica Batalon. Si Basillote kalit gisumbag sa nag-una nga lalaki.

Sumala pa niya, way search warrant o bisag unsang dokumentong gipakita ang maong mga lalaki.

Matud sa duha, si Basillote nagsige pangutana kun unsay sala niini apan padayon kining gikulata. Ang mga reklamante nangangkon nga sukad adtong hitaboa wala na sila mogawas sa ilaha tungod sa kahadlok.  Sa pikas bahin, ang kapolisan mipasaka na sab og kaso sa ilegal nga drugas batok ni Basillote kagahapon.

Garma mokiha

Planong pasakaan og kaso ni Cebu City Police Office director Col. Royina Garma ang kapuyo ni Basillote tungod sa pamasangil niini kaniya nga nanghulga siya kanila nga pamatyon kun dili nila isibog ang kiha batok sa mga polis ug kun di nila tangtangon sa social media ang viral video nga nagpakita sa gihulagway nga “police brutality.”

Si Garma mihimakak niini ug miingon nga pagpangdaut lamang kini kanila.

Gusto niyang kasohan ang babaye ilabi na nga karon na-expose na ang ilang mga operatiba ug nabutang sa peligro ang kinabuhi dihang gipanganlan diha sa Facebook ni Cebu City Mayor Tomas Osmeña. (BANAT NEWS)

POLICE BRUTALITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with