NYD delegates gisugat og linog

CEBU, Philippines – Hugot nga seguridad ang gipatuman sa pag-abi-abi ug opening program sa mga delegado sa National Youth Day kagahapon sa hapon gikan sa Cebu City Sports Center paingon sa Basilica Minore del Sto. Nino de Cebu.

Isip kabahin sa gipatuman nga seguridad, bugtong ang official bags lang sa NYD ang makasulod sa duha ka mga venue. Matud ni Brigadier General Debold Sinas ang director sa Police Regional Office 7 nga malinawon ang unang adlaw sa maong kalihukan diin mao ang pag-abot sa mga delegado diin mitala sila og dul-an sa siete mil ug aduna pay nag-abot-abot human malangay ang ilang mga biyahe.

Ang ubang kalangay subay sa nahitabong mga linog sa Pampanga, Eastern Samar ug uban pang lugar.

Gani ang mga delegado nga moagi unta sa Clark International Airport, miagi og laing rota human maapektuhi ang ilang biyahe sa linog. Bisan pa man niini, wala kini nakapahuyang sa mga delegado alang sa pag-apil sa maong kalihukan. Ang direktor mitug-an nga atol sa prosesyon, ang kapolisan maoy midumala aron lahus-lahos ang maong kalihukan. Gawas sa kapolisan ug military, aduna say mga force multipliers ang mitabang alang sa kahapsay ug kalinaw. (/DILT)(BANAT NEWS)