Tulo ka andana sa CCMC dili pa magamit
Decemay P. Padilla (Banat) - April 25, 2019 - 12:00am

CEBU, Philippines – Dili pa magamit sunod buwan ang tulo ka andana sa bag-ong Cebu City Medical Center (CCMC).

Si City Assistant Engineer Nilo Igot miingon nga ang kontraktor nga C.E. Padilla Construction Inc. bag-o lang nagsugod og trabaho sa phase 2 niadtong Abril 4 ug gilauman nga mahuman sa Septiyembre 30 subay na sa nakalatid sa kontrata. Nunot niini, dili sila masaligon nga ang tulo ka andana, mahimong functional sunod buwan sanglit kinahanglan nilang mosunod sa saktong proseso.

Niadtong Pebrero 19, ang konseho sa siyudad mihatag og pagtugot kang Mayor Tomas Osmeña nga mosulod ug mopirma sa Memorandum of Agreement tali sa maong construction firm sa kantidad nga P283.4 million. Subay niini, ang kagamhanan miisyu og Notice to Proceed ngadto sa contractor niadtong Abril.

Ang unang andana sa maong bag-ong building, ibutang ang parking, septage treatment plant, laundry area ug maintenance.

Sa second floor ipahimutang ang emergency room ug departments, lakip na ang pediatrics, internal medicine, surgery, isolation room ug organ imaging.

Anaa sa third floor ang out-patient department, dialysis department, hematology ug oncology departments.

Sigon ni Igot, giingnan nila ang kontraktor nga kon mahimo, makumpleto ang phase 2 sa dili pa ang Septiyembre aron magamit na sa siyudad ang bag-ong tambalanan.

“Ang amoa diri sa DEPW is monitoring sa project. Monitor na ang material husto ba ang gidapat nila, ang quality sakto ba unya sige mig monitor sad (if) they are on time ba sa ilang duration, ilang work schedule”, sigon ni Igot. Ang phase 2 mao ang interior design nga naglangkub sa mga bintana, water lines, power lines ug uban pa.

Gibutyag ni Igot nga kon ang kontraktor mapakyas sa pagkumpleto niini, i-liquidate sa maong firm ang danyos.

“They will be subjected to liquidated damages, they’ll have to pay liquidated damages basta mosaylo sila sa atong contract time”, butyag ni Igot. (/DILT)(BANAT NEWS)

 

CCMC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with