Amahan gihiktan og pisi sa liog sa iyang anak

CEBU, Philippines — Gihiktan ang liog sa usa ka amahan sa iyang kaugalingong anak nga buot nga mopatay kaniya diha sa Sitio Paglaum, Barangay Dumlog, Dakbayan sa Talisay niadtong niaging adlaw. Si Christopher Alesna, 52-anyos nakalingkawas sa kamatayon human naabot ang mga polis.

Giingog ang maong amahan buot unta kining bitayon sa iyang anak nga si Cristoper Alesna, 35-anyos ug sa amigo niini nga si Vilmar Nolasco, 32-anyos.

Ang kapolisan sa dakbayan sa Talisay nakadawat og tawag labot sa panagsinukmagay sa amahan ug anak.

Atol sa hitaho nisuway sa pagpatunga ang kapuyo sa biktima nga si Rosalie Villaber hinungdan nga nakaangkon usab kini og bun-og sa iyang lawas.

Naabtan sa mga polis nga nahiktan na ang liog sa biktima og pisi diin bitayon na unta kini sa suspetsado.

Gitudlo sa biktima ang iyang anak nga maoy nikulata ug nisuway sa pagpatay kaniya hinungdan nga gidakop kini sa mga polis.  BDB (BANAT NEWS)