Unom ka konsehal misaka ang networth
Decemay P. Padilla (Banat) - April 24, 2019 - 12:00am

CEBU, Philippines — Niadtong miaging tuig, 11 ka konsehal sa Dakbayan sa Sugbo ang mihatag sa ilang mga Statement of Assets, Liabilities and Networth (SALN) diin unom kanila ang misaka ang total net worth.

Sa 18 ka city councilor, 11 lang ang nakuhaan og kopya sa SALN sa Banat News nga naglangkub nila ni Renato Osmeña Jr., Eugenio Gabuya Jr., Alvin Arcilla, Jocelyn Pesquera, Pastor Alcover Jr., Jose Daluz III., Raymond Alvin Garcia, Joel Garganera ug ex-officio member sa Konseho Jessica Resch.

Base sa data nga nakuha, ang total net worth sa unom ka konsehal misaka kon itandi sa tuig 2017. Si Konsehal Renato Osmeña maoy labing datu sa 2017, gikan sa P39.18 million declared total net worth ngadto na sa P41.3 million nga adunay P1.5 million liabilities.

Gitudlo si Renato isip konsehal sa siyudad ni Presidente Rodrigo Duterte human si kanhi konsehal Nendell Hanz Abella mi-resign sa katungdanan niadtong Disyembre 2017.

Ang laing lima ka mga Konsehal mao sila si Gabuya, Pesquera, Arcilla, Rama, ug Garcia.

Gikan sa P5.1 million plus $4,000.60 dollar account net worth ngadto na sa P6.8 million plus $8,000 kang Gabuya; gikan sa P5.3 million ngadto na sa P5.5 million kang Arcilla; P4.9 million total net worth ngadto na sa P5.3 million kang Pesquera; gikan sa P1.1 million ngadto na sa P1.7 million kang Rama ug P1.3 million ngadto na sa P1.4 million kang Garcia.

Dunay tulo ka mga Konsehal nga ni-decrease ang total net worth sama nila ni Alcover, Daluz ug Garganera.

Samtang si Resch nga bag-ong miyembro sa City Council human napili isip Sangguniang Kabataan President adunay declared net worth nga P433,900 ug zero liabilities.

Ubos sa Article XI Section 17 sa 1987 Constitution ug Section 8 sa Republic Act No. 6713 kun Code of Conduct and Ethical Standard for Public Officials and Employees, ang public officials ug government employees required nga mosumetir og SALN.  DILT (BANAT NEWS)

SALN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with