Mga polis nga gipa-snacks ni Osmeña gipatawag ni Sinas
CEBU, Philippines — Gipang-recall ni Police Brigadier General Debold Sinas, direktor sa Police Regional Office-7 ang mga sakop sa City Mobile Force Company nga nanawat sa gipanghatag nga sandwich ni Cebu City Councilor Margot Osmeña.
Gihimug-atan sa direktor nga gidili gyud nga modawat ang polis sa bisan unsang ihatag sa mga kandidato sa eleksyon bisan pa man og dili kini kwarta.
Niadtong Huwebes Santo, base sa gi-post nga video ni Cebu City Mayor Tomas Osmeña diin makita nga nanghatag og mga sandwich si Margot sa mga polis nga nag checkpoint sa lugar.
“Gipang recall nato ang mga polis didto, dapat di gyud modawat because they are candidates,” sigun ni Sinas.
Iyang gitin-aw nga wala niya kini girelibohan apan iya ra kining gipatawag ug wala na pabalika sa checkpoint.
Samtang gihimakak ni Sinas ang pasangil ni Tomas nga ang mga lugar sa mayor ug sa kaalyado niini ra ang mga gipamutangan og checkpoint.
“It is coordinated with the Comelec based sa assessment sa babaw,” sigun ni Sinas
Gipasabot ni Sinas normal ra ang pagbutang og mga checkpoint sa usa ka lugar ilabi na nga nagdulong ang eleksyon. Dugang niya nga walay sagol nga politika ang ilang police visibility.
Sa Facebook post sa mayor, iyang gipadayag iyang katingala nganong nagbutang og checkpoints ang kapolisan duol sa iyang balay nga matud pa niya nga 50 ka metros pa ang gilay-on paingon sa main road ug gipangkuhaan og hulagway sa mga nag checkpoint ang mga mosulod ug mogawas gikan sa balay niini.
Ang direktor sa CCPO nga si Police Col. Royina Garma nagkanayon nga way sagol politika ang ilang checkpoints ug pagpangronda.
“Kung mamili kami ng checkpoint consider crime volume, strategic areas, most likely daan or exit ng mga kriminal di naman basta-basta so may considerations kami. Coordinated iyan with Comelec,” sigun niini.
Kabahin sa reklamo sa kapitan sa Calamba nga si Victor ‘Jojo’ Quijano nga iyang gipadayag pinaagi sa Facebook post, iyang gipasanginlan ang mga naglakaw nga polis nga naniid sa iyang balay ug nanguha og hulagway sa mga cctv.
“Bakit crime ba ‘yan? Di kasi sila sanay na may mga polis natin pumapasok sa mga maliliit na eskinita,” sigun ni Garma kinsa miklarong nagtrabaho lang sila og tarong. (BANAT NEWS)
- Latest
