PNP: Semana Santa malinawon
CEBU, Philippines — Malinawon ang Sugbo ug Central Visayas sa pagtimaan sa Semana Santa sumala pa sa kadagkoan sa kapolisan.
Dinhi sa Dakbayan sa Sugbo, ang hepe sa Cebu City Police Office-Operations Branch nga si Police Major Wilbert Parilla, nagkanayon nga malinawon ang syudad sa tibuok semana. Kagahapon usab nagsugod na og pangabot balik sa siyudad ang namakasyon gikan sa mga probinsya hinungdan nga gipokus nila ang pagbantay sa mga terminal ug mga pantalan sa dakbayan.
Ang CCPO giabagan sa pwersa sa Police Regional Office-7 nga Regional Mobile Force Battalion-7 sa pagbantay sa siyudad.
Ang direktor sa Cebu Provincial Police Office nga si Police Senior Superintendent Manuel Javier Abrugena nagkanayon nga nagmalampuson ang ilang gipatumang security plan.
“Police presence in strategic areas around the province helped a lot in assuring the public that our police are ready to assist them anytime.
No major incident was recorded in relation to the peaceful celebration of the Holy Week,” sigun ni Abrugena.
Apan dugang niini nga ila usang i-assess kun unsa ang mga kinahanglang i-improve sa seguridad alang sa mosunod nga Semana Santa. (/IBM)(BANATNEWS)
- Latest
