“Good Cup Coffee” task group umolon
Camille L. Pateres (Banat) - April 18, 2019 - 12:00am

CEBU, Philippines — Ang Cebu City Police Office Station 2 kon Abellana Police Station, miduso sa ilang ulohang buhatan aron mahimuan og special investigation task group (SITG) ang nahitabong pagpamusil sa mga barista sa The Good Cup Coffee Company sa may dalan F. Ramos.

Gitin-aw sa hepe sa maong estasyonan nga si Police Major Eduard Sanchez nga ang maong lakang wala magpasabot nga dili na nila kaya ang imbestigasyon sa maong kaso.

Matud pa nga mas maayo nga kon adunay SITG sanglit ang tibuok unit na sa CCPO headquarters ang manginlabot niini.

Gitug-an usab sa maong hepe nga wala pa nila maklaro ang panagway sa mamumuno subay sa nakuha nila nga Closed Circuit Television gawas sa maong coffee shop.

Nasayran nga niadtong Abril 10, Miyerkules sa gabii, gisulong sa usa ka gunman ang mamauli na unta nga mga barista sa naasoy nga coffee shop lakip na ang co-owner ug manager niini nga si John Michael Hermoso.

Dead on the spot si Hermoso ug dead on arrival sa tambalanan ang usa sa mga barista nga si Kis Ramos. Samtang nakalingkawas ang duha pa ka mga barista.

Nakita sa CCTV sa gawas sa maong coffee shop nga ang mamumuno, walhon ug yanong namusil sa mga barista.

Nasuta sab sa imbestigasyon nga human namusil, ang gunman adunay kauban nga nagmotorsiklo kinsa nagpaabot kaniya pipila ka metros gikan sa coffee shop ug misutoy sila subay sa dalan F. Ranudo human mamusil. (/DILT)(BANATNEWS)

GOOD CUP COFFEE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with