Si Atty. Jerome Brillantes, acting Cebu provincial election supervisor, nagkanayon nga mamahimong ma-implementar o ma-serve ang suspension order sa mga lokal nga opisyales kun ang kaso niini naglambigit og graft and corruption charges.
Comelec: Election ban di magamit ni Gica
May Miasco (Banat) - April 12, 2019 - 12:00am

CEBU, Philippines – Molusot gihapon ang suspension order nga gi-issue sa Sandiganbayan batok ni Mayor Efren Gica sa Lungsod sa Dumanjug bisan pa man adunay ban karong panahon sa eleksyon.

Si Atty. Jerome Brillantes, acting Cebu provincial election supervisor, nagkanayon nga mamahimong ma-implementar o ma-serve ang suspension order sa mga lokal nga opisyales kun ang kaso niini naglambigit og graft and corruption charges.

“The suspension (of elective local officials) is also suspended but if the case involves graft and corruption then the ban will not apply,” dason niya sa Banat News.

Ang pagsuspenso sa mga lokal nga opisyales usa sa mga ginadili atol sa election period nga molanat sugod sa Enero 13 hangtod sa Hunyo 12 base sa Commission on Elections Resolution Number 10429.

Aduna’y pending nga kaso si Gica nga naglambigit og graft and malversation of public funds ug falsification of public documents may labot sa resibo sa meal expenses atol sa usa ka barangay assembly niadtong 2014 samtang siya pay vice mayor sa ilang lungsod.

Bag-ohay lang ang Sandiganbayan nipahamtang og 90 ka adlaw nga preventive suspension kang Gica.

Ang Sandiganbayan miingon nga "mandatory" ang pagsuspenso kang Gica subay sa usa ka probisyon sa Republic Act 3019 kon Anti-Graft and Corrupt Practices Act.

Ubos sa Section 13 sa maong balaud, ang usa ka opisyal kinahanglang masuspenso kun kini gikasohan og kalapasan nga anaa ubos sa Revised Penal Code, o kun ang kalapasan naglambigit og public funds, property o pagpangilad batok sa gobiyerno.

Sa usa ka phone interview, ang staff sa mayor’s office nagkanayon nga nagpabilin nga si Gica pa gihapon ang mayor sa Dumanjug. (/IBM)(BANAT NEWS)

 

ELECTION BAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with