Nagkadaiyang gimik sa mga kandidato sa Mandaue
Romeo T. Limpangog (Banat) - March 30, 2019 - 12:00am

CEBU, Philippines – Namatikdan  atol sa pagbukas  sa pagpangampanya sa lokal nga mga kandidato ang nagkadaiyang gimik nga naglakip sa pagpahigayon og motorkada uban ang ilang mga dumadapig, pagtambong og Balaang Misa alang sa pagpangayo og bendisyon sa pamasin nga  ilang maangkon ang gitinguha nga kadaugan.

Sa Dakbayan sa Mandaue, si Dr.  Paulus Cañete nga independente nga kandidato alang sa pagka-board member sa ika-unom nga distrito ang mibukas sa iyang pagpangampanya pinaagi sa pagsuroy ug pakighimamat sa mga taga Brgy. Opao.

Samtang ang  higpit nga magkaatbang nga Team Mandaue nga gipangulohan ni 6th  District   Representative Jonas Cortes ug Hungpong Ng Pagbabago para sa Mandaue nga gipangulohan ni Mayor Luigi  Quisumbing, mihimo usab sa ilang malahing pamaagi sa pagbukas sa ilang pangampanya. Si  Quisumbing uban sa iyang ka-tandem nga si re-electionist Vice Mayor  Carlo Fortuna ug ka line-up nga mga magpapili sa konseho, mitambong og misa.

Ang kampo ni  Cortes uban sa iyang ka tandem nga si bokal Glenn Bercede  kauban ang kumpleto nila nga line-up nga sakop sa konseho, nagpasiugda usab og parade. Misalmot sa ilang rally sila si 6th District congressional candidate Lollypop Ouano-Dizon.

Ang Mandaue City Police Office hugtanon usab nga nagbantay alang sa pagpatunhay sa kahapsay ug kalinaw sa mga adlaw ug gabii subay sa kalihukan sa pangampanya nga matapos sa Mayo 11. (/DILT)(BANAT NEWS)

 

 

KANDIDATO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with