Kaso ni Silawan gituki sa tigom sa PACC
Micole Gerard J. Tizon (Banat) - March 26, 2019 - 12:00am

CEBU, Philippines – Ang Presidential Anti-Corruption Commission (PACC) nagpatawag og meeting sa mga regional directors sa tanang mga ahensya sa gobiyerno dinhi sa rehiyon  kagahapon ug natuki ang kabahin sa imbestigasyon sa linoog nga pagpatay kang Christine Lee Silawan sa Dakbayan sa Lapu-Lapu.

Si PACC Chairman Dante Jimenez miingon nga ang tumong sa iyang pagpatawag sa tigom mao ang pagpakisayod sa mga panghitabo sa mga opisina sa gobyerno dinhi lakip na ang mga yangungo sa publiko batok sa mga ahensya sa gobiyerno.

“Hindi totoo po ‘yung sinasabi nila na walang pagbabago. May pagbabago na, pero walang mangyayari kung hindi rin po kayo magsusumbong,” matud pang Jimenez sa mga tigbalita.

Nakig-estorya si Jimenez kanila ni Police Regional Office-7 Director Debold Sinas ug National Bureau of Investigation 7 assistant regional director Dominador Cimafranca kabahin ni Silawan.

Didto gikatahong gitug-anan ni Sinas si Jimenez bahin sa kooperasyon sa ilang duha ka buhatan sa kaso ni Silawan.

Matud niya, Enero ning tuiga dihang nakasugat sila og kaso nga diin ang biktima gipanitan ang nawong didto sa Danao. Diin ang duha sa mga suspek napatay ug nadakpan sa NBI didto sa Davao City ang nakaikyas nga si Jonas Bueno sayo ning buwana, lima ka adlaw human gipatay si Silawan.

Si Bueno usa sa mga persons of interest sa kaso apan dihang nadakpan sa NBI-7 ang giingong kanhi uyab ni Silawan nga 17-anyos, si Sinas miingon nga gisuportahan nila ang NBI sa ilang gisundang imbestigasyon.

Si Cimafranca sa iyang bahin miingon nga timailhan nga usa ra ilang direksyon sa PRO-7 mao ang paggamit nila sa resulta sa autopsy report gikan sa medico legal sa PNP inay nga maghimo og kaugalingong autopsy ang NBI.

Si Presidential Assistant for the Visayas Secretary Michael Dino nga nitambong sa maong tigom miingon nga natagbaw kini sa imbestigasyon sa mga otoridad kay duna silay suspek ug leads sa kaso.

Nagtuo siyang wa dalidalia sa NBI ang pagsikop sa 17-anyos nga suspek kinsa gipabuhian sa piskalya tungod sa ilegal nga pagdakop kaniya. (/IBM)(BANAT NEWS)

 

PACC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with